"İndi də başa torba keçirilir, amma..." İlham İsmayıl ilə MÜSAHİBƏ

“Eldar Mahmudovun dövlət maraqlarından çox şəxsi maraqları var idi”

Ləğv edilmiş MTN-in keçmiş şöbə rəisi, Qarabağ müharibəsi veteranı, polkovnik - leytenant İlham İsmayılla müsahibəni sizə təqdim edirik:

Məcburi köçkünlər yolu bağladı — Evlərin qanunsuz paylanmasına ETİRAZ - FOTO / VİDEO

Bu gün səhər saatlarında bir qrup məcburi köçkün akademik Zərifə Əliyeva adına Milli Oftalmologiya Mərkəzinin qarşısından keçən Cavadxan küçəsini bağlayıb.

Məcburi köçkünlərin yolu bağlamasına səbəb onlara verilən evlərin pulla satılması və adam sayına uyğun olmayan bölgü olub.

Jurnalist bir günlük "əlil" oldu, Bakı sakinləri ona belə davrandı... — REPORTAJ

Anlamaq üçün yaşamaq lazımdır…


Yaxşı yadımdadır, 1997-ci il idi. Millət vəkillərindən biri Ağcabədidə yaşadığımız "Türk Kızılay" çadır şəhərciyinə gəlmişdi. Hər cümləsində "sizi anlayıram", "nələr çəkdiyinizi bilirəm" deyirdi. Birdən yaşlı qadın deputata dedi ki, sən bizim nə çəkdiyimizi anlaya, necə yaşadığımızı bilə bilməzsən. Bunu anlamaq istəyirsənsə, gəl, bir ay bizim çadırda yaşa, onda səmimiyyətinə inanaram. Bu sözlərdən sonra görüş yekunlaşmışdı.

“Müharibə jurnalistləri hər dəfə hədəf olurlar”

“Bizdə cəbhədən gələn xəbərlər daha çox bölgə müxbirlərinin boynuna düşür”

Səxavət Məmməd: “Heç mitinq iştirakçıları bizim orada bir neçə saat ərzində eşitdiyimiz qədər səs bombası eşitməyib, gözlərinə o qədər bibər qazı sıxılmayıb, təzyiqli su altında qalmayıblar”

Bakıda qəzalı bina təcili boşaldılır, 23 ailənin isə taleyi naməlumdur — Hər an uça biləcək binadan REPORTAJ + FOTOLAR

Sürüşkən bina

90-cı illərin əvvəllərində Xətai rayonu, Gəncə prospekti 20 ünvanında hündür mərtəbəli bina inşa edilib. Bina 3 blok, 16 mərtəbədən ibarət olub. Ancaq bina istifadəyə verilməmişdən öncə zəlzələ, ardınca ərazidə sürüşmə baş verir və bina 8 metr sürüşərək yerini dəyişir. Ərazidə olarkən binanın haradan sürüşərək indiki yerində durduğunu aydın şəkildə görmək olur. Bina sakinlərinin sözlərinə görə, binanın aşacağından qorxan inşaat şirkəti 7 mərtəbəni sökərək binanı 9 mərtəbədə saxlayırlar. Sökülmüş 7 mərtəbənin panelləri hələ də binanın ətrafında qalmaqdadır.

Aksiyon filmindən seçilməyən "müharibə jurnalistikası" təlimlərindən — REPORTAJ + FOTOLAR

Türkiyənin “Anadolu Ajansı”nın təşkil etdiyi savaş dövrü jurnalistləri üçün təlimlərə start verilib. 13-cü dəfədir baş tutan təlimlərdə 3 qitədən 12 ölkədən qatılan jurnaistlər arasında bu il Azərbaycan da iştirak edir.

Təlimlərdə Azərbaycanla yanaşı Əfqanıstan, Albaniya, Bosniya və Herseqovinya, Kenya, Kosova, Efiopiya, Pakistan, Filippin və Serbiyadan olan jurnalistlər də iştirak edir.

Ramil Usubovdan Artur Rəsizadəyə "məktub" — Erməni xüsusi xidmətinin növbəti ideoloji süqutu

1 ay öncə Ermənistanın Milli təhlükəsizlik xidmətinin sifarişi ilə voskanapat.info blogunun müəllifi Qrant Melik-Şahnazaryan, saxta bir "sənəd" yaymışdır.

Azərbaycan Silahlı Qüvvələrinin Baş Qərargah rəisi Nəcməddin Sadıqovun adından Müdafiə naziri Zakir Həsənova ünvanlanan "müraciət"də yazılmışdır ki, Azərbaycan tərəfi 2016-cı ilin aprelində qeyri-rəsmi olaraq çoxlu canlı qüvvə itirmişdir.

1988-ci il Ağdamda mitinqlər, Əsgərana yürüş — "Qarabağ" FK-nun adının ermənilərdən alınması

Bugün Ağdamın "Qarabağ" futbol klubu UEFA Çempionlar Liqasında qrup mərhələsində çıxış edir. Ancaq klubun Qarabağ adının ermənilərin əlindən necə alınması, hansı çətinliklərdən keçməsi barədə çox az adam məlumatlıdır.

"Ölkə.Az" "Qarabağ" klubunun Qarabağ adını alarkən proseslərin birbaşa iştirakçısı olmuş Elbrus Mustafayevlə reportajı sizə təqdim edir:

Elbrus Mustafayevlə təkcə “Qarabağ” klubunun adının alınması ilə bağlı yox, o zaman baş verən hadisələrlə bağlı geniş söhbətimiz oldu.

"Sanki mərmilər üsyana çıxıblar" - Partlayışın baş verdiyi yerdən reportaj + FOTOLAR

Xəbər verdiyimiz kimi bu gün səhər saatlarında Müdafiə Nazirliyinin Xızı rayonu ərazində yerləşən hərbi bazalarından birində güclü partlayış baş verib.

Silah ambarında baş vermiş partlayış nəticəsində anbarda saxlanılan mərmilər əraziyə səpələnərək partlayıb. Partlayış nəticəsində Ərazidə yerləşən hərbçilərin ailələrinin yaşadığı şəhərciyə, yaxınlıqdakı Giləzi kəndinə maddi ziyan dəyib. O qədər bombanın qarşılığında həqiqətən insan təlafatının olmaması böyük xoşbəxtlikdir.

Dağ-meşə təlimləri, gərgin keçən gecə, ilan və qurbağadan hazırlanan yemək — JURNALİSTİN GÜNDƏLİYİ

Müdafiə Nazirliyinin təşkilatı dəstəyi, Prezident yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Dinc Dünya” Araşdırma Mərkəzinin təsis etdiyi "Konflikt Jurnalistikasi Məktəbi"nin növbəti təlimlərinə start verilib.

Jurnalistlər üçün təlimlər Şəmkir rayonunda Müdafiə Nazirliyinin nəzarəti və dəstəyi altında həyata keçirilir. MN-in peşəkar mütəxəssisləri ekstremal şəraitdə davranış qaydaları, psixoloji durumlar, konflikt zonalarında hərəkətlər, marşrut trayektoriyalarını tədris edirlər.

"Əsir tutduğumuz Bakı ermənisinin qardaşı da Tərtər istiqamətində bizə qarşı vuruşurdu" — Keçmiş hərbçi danışır

704-saylı briqadanın döyüşçüləri ilə müsahibələrimizi davam etdiririk.

Bu günkü müsahibimiz tankçı Hüseynov Səxavət Fərzulla oğludur.

Qısa arayış:

Hüseynov Səxavət Fərzulla oğlu. 1967-ci ilin may ayının 13-də Lənkəran rayonun Xolmili kəndində anadan olub. 1973-cü ildə orta məktəbə gedib. 1984-cü ildə məktəbi bitirib. 1984-cü ildə Bakıda texniki litseydə oxuyub. 1985-ci ildə ordu sıralarına çağırılıb. 1987-ci ilə qədər Sovet ordusunda xidmət edib. Hərbi xidməti bitirdikdən sonra gizirlər məktəbini oxuyub. 1992-ci ilin iyun ayına qədər Sovet ordusunda xidmət edib. 1992-ci ildə Qarabağda baş verən müharibəyə görə könüllü olaraq Azərbaycana qayıdıb. 1997-ci ilin aprel ayının 14-də ordu sıralarından tərxis olub.

"Bir həftə ərzində Laçın dəhlizini və yaşayış məntəqələrini azad etdik" — 704 saylı briqadanın tank komandiri danışır

Əvvəlcə də qeyd etdiyimiz kimi, 704 saylı briqadanın zabit və əsgərləri ilə görüşümüz davam edir.

Bu dəfəki müsahibimiz Qarabağ müharibəsi zamanı əvvəlcə kəşfiyyat tağımının, sonradan isə tank tağımının komandiri olmuş Məmmədov Abdulla Alxas oğludur.

O, bu görüşə öz tankçıları ilə gəlmişdi.

Sonuncu əməliyyat və Şirin Mirzəyevin ölümü — Keçmiş hərbçi danışır - Sonuncu yazı

Şirin Mirzəyev haqqında çox danışılıb, çox yazılıb. Əfsanəvi komandirin Ağdama gəlişi, döyüş yolu barədə çoxlarının bilmədiyini onun ən yaxın silahdaşı danışır.

Ötən yazıda uğursuz Fərrux əməliyyatından söz açmışdıq, bu dəfə isə Ballıqayanın ermənilərdən təmizlənməsi, mühasirə və Şirin Mirzəyevin ölümündən bəhs edəcəyik.

Sürücünün katibə qonşusu

Ev üçün namizədliyimi verməmişdim, ona görə də, narazılığımı da bildirmədim. Düşünürəm ki, bildirmək haqqım da deyildi. Amma və lakin deyəcəklərim var. Sussam bir çox həmkarlara haqsızlıq etmiş olaram. Özümü vacib adam hesab etdiyimdən yox, ən azı bu camianın bir üzvü olduğumdan bunları yazmağı özümə borc bilirəm.

Evlər verildi, hər kəs təşəkkür etdi, sevindik, zəngləşdik, mesajlaşdıq, xeyirli, uğurlu olsun dedik. Açığı ilk açıqlanan adları görəndə hamı kimi mən də sevindim.

Şirin Mirzəyevin yazdığı inşa, uğursuz Fərrux əməliyyatı — Keçmiş hərbçi danışır - VI yazı

Şirin Mirzəyev haqqında çox danışılıb, çox yazılıb. Əfsanəvi komandirin Ağdama gəlişi, döyüş yolu barədə çoxlarının bilmədiyini onun ən yaxın silahdaşı danışır.

Ötən yazıda 1905, 1992-93-cü illər Mərzili kəndinin ermənilərdən müdafiəsindən söz açmışdıq, bu dəfə isə uğursuz Fərrux əməliyyatından bəhs edəcəyik.

Ölkəni cənginə alan qida terroru, apteklərdə dərman növbəsi

Son 2 ayda Azərbaycandan xaricə göndərilən kartof və pomidor məhsulları ixrac edilən ölkələrin Baytarlıq və Fitosanitar Nəzarəti tərəfindən geri qaytarılıb.

Belə ki, bu ilin may ayında Rusiyanın Baytarlıq və Fitosanitar Nəzarəti Federal Xidmətinin Moskva şəhəri, Moskva və Tula vilayətləri üzrə İdarəsi Azərbaycandan paytaxt regionuna daxil olan kartof məhsulunda karantin obyekti aşkar edib. İdarənin mətbuat xidməti bildirir ki,  Azərbaycandan daxil olmuş 39,55 ton təzə ərzaq kartofuna baxış zamanı Rusiya Federasiyası üçün karantin obyekti olan qızılı kartof qurdları (Globodera rostochiensis (Woll.) Behrens.) aşkar edilib.

1905, 1992-93-cü illər Mərzili kəndinin ermənilərdən müdafiəsi — Keçmiş hərbçi danışır - V yazı

Şirin Mirzəyev haqqında çox danışılıb, çox yazılıb. Əfsanəvi komandirin Ağdama gəlişi, döyüş yolu barədə çoxlarının bilmədiyini onun ən yaxın silahdaşı danışır.

Ötən yazıda Şuşanın işğalından sonrakı dövrdə baş verənlərdən söz açmışdıq, bu dəfə isə Ağdam rayon Mərzili kəndinə ermənilərin 3  hücümü və 1905-ci ilə qısa qayıdışdan bəhs edəcəyik.

"Azərbaycan dilini məmurlarımız bu günə qoyub" — İqbal Ağazadə ilə MÜSAHİBƏ

 "Azərbaycan dilini məmurlarımız bu günə qoyub"
 
"Qənimət Zahid və bir başqası haqqında o qədər şeylər danışaram və bu danışdıqlarım da həqiqətə yaxın şeylər olar"
 
"Yeni qüvvələr ortaya çıxsa, "Müsavat"la "Cəbhə" dərhal birləşəcək"
 
"Allahla insan arasına vasitəçilər girirsə o din yox, təşkilat olur"

Siyasi durqunluq, cəmiyyətdəki problemlər, dini radikalizmin güclənməsi.

124 nəfərlik "Arabo" batalyonunun məhvi — 15 yaşlı kəşfiyyatçı danışır

Arabo batalyonunun məhvindən 25 il ötür.

Düzdür, Birinci Qarabağ müharibəsində məğlub olmuşuq. Ancaq Qarabağ müharibəsi zamanı elə əməliyyatlar olub ki, onun haqqında danışmasan, yazmasan olmaz. Çünki, o məğlubiyyətləri düşmən tərəfi hələ də həzm edə bilmir.

"Arabo" batalyonu haqda qısa məlumat.

Şirin Mirzəyev: "Çiynimdə rusun paqonunu və beşguşəli ulduzunu daşımaqdan bezmişəm" — Keçmiş hərbçi danışır - IV yazı

Şirin Mirzəyev haqqında çox danışılıb, çox yazılıb. Əfsanəvi komandirin Ağdama gəlişi, döyüş yolu barədə çoxlarının bilmədiyini onun ən yaxın silahdaşı danışır.

Ötən yazıda Şuşanın işğal günündə baş vermiş genişmiqyaslı hərbi əməliyyatdan danışdıq. Bu dəfə isə həmin əməliyyatlardan sonrakı dövr və müsahibimə Şirin Mirzəyevin hərbi forma haqqında dediklərindən bəhs edəcəyik.

25 il öncə baş vermiş yay hücumunun detalları — Əməliyyatın iştirakçısı şərh edir

12 iyun 1992-ci ildə ordumuzun həyata keçirdiyi genişmiqyaslı hücumdan 25 il ötür.

12 iyun 92-ci il ordumuzun başladığı genişmiqyaslı hücum cəmiyyətimizdə "Ağdərə əməliyyatı" kimi tanınsa da, yay hücum əməliyyatı "Əsgəran və Şaumyan əməliyyatlarından" və ayrıca "Ağdərə əməliyyatından" ibarət olub.

Şaumyan (Ağcakənd) əməliyyatının məqsədi erməni qəsbkarlarının 1992-ci ilin may ayında Şuşa və Laçının işğalından sonra Şaumyandan Göygöl rayonunun Çaykənd-Toğana və Çaykənd- Hacıkənd istiqamətində hazırladıqları hücumlarının qarşını almaq, orada cəmləşdirilmiş qüvvələrə qabaqlayıcı zərbə endirməklə düşmənin bu istiqamətdə hücum planlarını pozmaq olub.

"Şirin Mirzəyev mənə dedi ki, bəlkə nəfəsini Şuşada dərə bildin" — Keçmiş hərbçi danışır - III yazı

Şirin Mirzəyev haqqında çox danışılıb, çox yazılıb. Əfsanəvi komandirin Ağdama gəlişi, döyüş yolu barədə çoxlarının bilmədiyini onun ən yaxın silahdaşı danışır.

Ötən yazıda Ağdamda 1992-ci il may ayına qədər baş verən proseslərdən bəhs etmişdik. Bu dəfə isə Şuşanın işğal günündə baş vermiş genişmiqyaslı əməliyyatdan danışacağıq.

"Alayın ləğv olunması barədə əmri alayın şəxsi heyəti qarşısında oxumağa cəsarət edən adam tapılmadı" — Keçmiş hərbçi danışır - II yazı

Şirin Mirzəyev haqqında çox danışılıb, çox yazılıb. Ancaq əfsanəvi komandirin Ağdama gəlişi, onun fəaliyyəti barədə çox az adam məlumatlıdır.

Ötən yazıda Şirin Mirzəyevin Ağdama gəlişindən, gəldiyi ilk gündən etibarən fəaliyyətindən geniş söz açmışdıq. Bu dəfə isə Qərib İsmayılovun gözü ilə 1992-ci il may ayına qədər baş verən proseslərdən bəhs edəcəyik.

Tankla topun dueli — Şuşanın işğaldan azad edilməsi üçün keçirilən əks-hücum barədə Nazim Bayramovla reportaj

Şuşanın işğalından 25 il ötür.

Hər il Şuşanın ermənilər tərəfindən işğal olunma tarixini ağlaşma ilə qeyd edirik. Bəli! Bu bir faciədir. Şuşa alınmaz qala sayılırdı. Uzun illərdir, Şuşanın işğalı araşdırılır. Ancaq ortada hələ də tutarlı məlumat və faktlar yoxdur.

Bu dəfə Şuşanın işğalı barədə ağlamalı yazı yazmamaq qərarına gəldik. Şuşanın işğaldan azad edilməsi üçün keçirilən əməliyyatlarda qəhrəmanlıq epizodlarından birinə toxunacağıq.

Bu məsələdə ordu ilə yanaşı icra hakimiyyəti, polis rəisi, DTX rəisi də məsuliyyət daşıyır - Hərbi ekspert

Hərbi sirr təşkil edən məlumatları düşmən tərəfinə ötürülməsi ilə bağlı 30-dan çox şəxs saxlanılıb.

Saxlanılan şəxslər maddi maraq naminə düşmən kəşfiyyatına hərbi sirr təşkil edən məlumatlar ötürüblər. Ölkənin güc strukturları əməliyyatlar keçirir. Artıq istintaqa start verilib.

Baş verən hadisənin səbəbləri, orduda şəxsi heyətlə iş üzrə müavinlik məktəbi və xüsusi bölmənin fəaliyyəti, digər orqanların - icra, polis, DTX-nın məsuliyyəti barədə hərbi ekspert Üzeyir Cəfərovun fikirlərini sizə təqdim edirik:

Əfsanəvi komandirin Ağdama gəlişi — Şirin Mirzəyevin həyat və fəaliyyəti ilə bağlı ilk dəfə oxuyacağınız faktlar - I yazı

Şirin Mirzəyev haqda çox danışılıb, çox yazılıb. Ancaq əfsanəvi komandirin Ağdama gəlişi, onun fəaliyyəti barədə çox az adam məlumatlıdır.

Bir qədər araşdırmadan sonra məlum olur ki, Şirin Mirzəyevin Ağdama gəlişi təsadüfi çay süfrəsi arxasındakı tanışlıqdan başlayıb. Həmin təsadüfi görüşdə iştirak edənlərdən biri də İsmayılov Qərib olub.

Yeddi oğul istərəm — 20 il əvvəl şəhid olan xüsusi təyinatlılarımız

Bu gün xüsusi tapşırıq üçün düşmən arxasında əməliyyat keçirən, sonradan qeyri-bərabər döyüşdə sursatları qurtarıb özlərini partladaraq qəhrəmancasına həlak olan döyüşçülərimizin şəhid olmalarından 20 il ötür.

Düşmən arxasındakı əməliyyatda 7 şəhiddən əlavə 1 nəfər ağır yaralanır. Yaralanan həmin döyüşçümüz Əhmədov Aqildir.

"30 əlavə əsgər və artilleriyanın dəstəyi ilə 10 il də Laçın dəhlizini əlimdə saxlayardım" — Keçmiş döyüşçü ilə reportaj

Laçın dəhlizi uğrunda döyüşlər, qələbənin bir addımlığında və kiçik səhvlərdən sonra acı məğlubiyyət.

Bu dəfəki müsahibiz 47 əsgərlə Laçın dəhlizinə nəzarəti ələ alan ehtiyatda olan zabit, mayor Verdiyev Ədalətdir.

Ədalət Verdiyevlə geniş müsahibəni sizə təqdim edirik:

Səngərdə Novruz bayramı — Reportaj

Əsgərlərimizlə Novruz bayramını qeyd etmək üçün bir qrup keçmiş Qarabağ müharibəsi döyüşçüsü ilə Xocavənd rayonunda toplaşdıq. Veterenlarımız evlərində bişirilən yeməkləri, şirniyyatları gətirir, maşınlara yükləyirik. Hər bir əsgər üçün yeməklərdən əlavə bayram payı da torbalara qoyulub. Qısası, əsgərlərimizin evlərindəkindən geri qalmayan bayram keçirməsi üçün hər şey hazırlanıb.

Hazırlıq işləri başa çatdıqdan sonra Haramı düzünə yola düşürük.

Laçın dəhlizi - qələbənin bir addımlığındakı acı məğlubiyyət — Keçmiş döyüşçü ilə MÜSAHİBƏ

Laçın dəhlizi uğrunda gedən döyüşlər - 24 sentyabr-22 oktyabr 1992-ci il

Laçın dəhlizi düşməndən azad edildikdən sonra, lazımsız əmrlər, anlaşılmaz qərarlar, satqınlıqlar olmasaydı, indi bəlkə də nə bu barədə danışırdıq, nə də yazırdıq. Bəlkə də indi Laçının hansısa kəndində, hansısa bir çobanla reportaj edirdik. Ancaq olmadı, alınmadı...

Susqun MN, dovşan media, təkərə düşən xalq

Müharibə təkcə səngərdə aparılmır. Səngərdəki müharibə qədər, bəlkə də daha vacibi informasiya müharibəsidir.

 

Dindirəndə qalstuklu müəllimlər ağızıdan köpük dağılana qədər danışacaq ki, informasiya müharibəsində erməniləri qabaqlayırıq, asırıq, kəsirik. Fevral ayının 25-dən bu günə qədər informasiya müharibəsində kimin qalib olduğunu üzülərək gördük. Ermənilər düzgün qurduqları informasiya müharibəsi nəticəsində demək olar ki, Azərbaycanı çaş-baş qoydu. Haqlı olduğumuz halda haqsız duruma düşməyimiz azmış kimi, az qaldı ermənilər cəmiyyətimizi də idarə etsinlər.

Laçın dəhlizi uğrunda gedən döyüşlər, qələbə və... — keçmiş döyüşçü ilə MÜSAHİBƏ

Laçın dəhlizi uğrunda döyüşlər - 24 Sentyabr-22 Oktyabr 1992-ci il

Laçın dəhlizi uğrunda aparılan döyüş mövzusuna toxunmağa məni vadar edən səbəblər çoxdur. Bu döyüşlər haqqında, ümumiyyətlə, Qarabağ döyüşləri haqqında yazılan və deyilənlər bir tərəfə qalsın, bu hadisələrin şahidlərinin öz fikirləri vardır və bu fikirlərin hər biri digərlərindən fərqlənsə də, mənaca eyniləşdirilməyə çalışılır. Maraqlısı da budur ki, “Qarabağda biz yaxşı vuruşmadıq” - kimi fikirlərin sahibləri daha çox həmin müharibədə iştirak etməyənlərdir. Təbii ki, biz də müxtəlif arqumentlər ortaya atır, o cür düşünən insanları inandırmağa çalışırıq ki, əslində məsələlər sizin dediyiniz və eşitdiyiniz kimi deyildir. Həqiqətlər tamamilə başqadır, ümumiyyətlə həqiqətin qapısına paslı kilid vurulub.

Xocalı faciəsi, erməni vəhşiliyi və meyitləri kimlərin təhqir etməsi iddialarına — CAVAB

Heç kimə sirr deyil ki, Xocalıda ermənilər qətliam törədib. Bu qətliamda ermənilərlə yanaşı Rusiyanın 366-cı mot-atıcı alayı da iştirak edib. Ermənilərin Xocalını işğal edəcəyi gözlənilirdimi? Bəli. Xocalı tamamilə mühasirəyə alınmışdı. O zaman bunu Azərbaycanın rəhbər şəxsləri də bilirdi. Hətta baş verə biləcək faciənin qarşısını almaq üçün prezident Ayaz Müətəllibov 1992-ci il feral ayının 22-də hazırki millət vəkili Araz Əlizadəni Moskvaya Yeltsinlə görüşə göndərir. Görüşdə 366-cı alayın Dağlıq Qarabağdan çıxarılması ilə bağlı razılıq əldə edilməli idi.

"Qarabağ uğrunda savaş bir Vətən savaşıdır, məgər orada cənublu, şimallı ola bilərmi?" — Keçmiş döyüşçü

Əfqanıstan və Qarabağ – iki qanlı müharibə

Hər iki müharibədə xalqımız şücaətlə döyüşüb. Əfqanıstanda beynəlmiləl borcunu, Qarabağda isə vətən borcunu yerinə yetirib.

Bu dəfəki müsahibimiz hər iki müharibədə iştirak edən Yaqub Nəhmətovdur.

"O biri oğlumu da əsgərliyə göndərərdim" — Şəhid Çingizin atası

Şəhidimiz dəfn olunan günün səhərisi Çingiz Qurbanovun doğulduğu Həzrə kəndinə getdik

Elə həmin gün də Prezident İlham Əliyev Çingiz Qurbanovu Mili Qəhrəman statusu ilə mükafatlandırdı.

Milli Qəhrəman Çingiz Qurbanovun atası Qurbanov Salman Qurban oğlu Çingizlə bağlı suallarımızı cavablandırıb.

Milli Qəhrəman statusu və ermənilərə tərs şillə — Şəhid atasının qürur göz yaşları

39 gün sonra ermənilər əsgərimizin meyitini geri qaytardılar

Şəhidimizin yolunu gözləyən Çingiz Qurbanovun ailəsi qəhrəman övladlarının nəşinə qürurla toxundular…

Şəhidin atası Salman Qurbanovla söhbət zamanı bunu hiss etmək olurdu: «39 gün biz nələr çəkdik, onu bir biz, bir də Allah bilir. İndi övladımı torpağa tapşırdım, rahatam».

“Şəhid olan bir neçə şəxsin qatillərinin adlarını açıqlayacağam” - Səxavət Məmmədlə müsahibə

“Ən maraqlı müsahibələrimdən biri Milli Qəhrəman Yelmar Ədilovun həyat yoldaşı Reyhan Ədilova ilə olub. Müsahibənin yarısı yayımlanıb, digər yarısı üçün isə məndən söz alıb ki, öləndən sonra yayımlayım. Həmin müsahibədə şəhid olan bir neçə şəxsin qatillərinin adları açıqlanacaq”

“Ən böyük problem Müdafiə Nazirliyinin mətbuat xidmətinin məlumatları gec yaymasındadır. Məlumatlar o qədər gec yayılır ki, Azərbaycan vətəndaşları erməni mediasını izləmək məcburiyyətində qalır”.

Kimdir günahkar?

Artıq ermənilərin əlində olan vətəndaşımızı vətən xaini çıxarmışıq

Bu gün ermənilərin sosial şəbəkələrdə yazdığı bir cümlə diqqətimi çəkdi: "sizinkilər gəlib biz tərəfə keçib bizim əsgərlərimizi öldürəndə həmin əsgərinizə Milli Qəhrəman adı verirsiniz, ancaq gəlib işini görə bilməyib, bizimkilərin əlinə keçəndə vətən xaini deyirsiniz".

Xalq diplomatiyası, beynəlmiləlçilik və ermənilərin Bakıya xaç yürüşü

Bakıya gələn və evlə təmin edilən erməni qadını ölkənin gündəmini zəbt edib. Bir çoxları, xüsusən də Qarabağ müharibəsi zamanı yurd-yuvasından didərgin düşənlər, orada şəhid olanların ailələri və vətənpərvərlər bunu şiddətlə qınayır. Ancaq bnu bəyənənlər də az deyil. Hətta buna sevinənlər də var. "Qardaşlarımız gəlir!" deyənlər də var.

Sual-cavab, işdən azad edilmək və burcutmaq - Köşə

Söhbət nədən getdiyini yəqin bilirsiniz. Bilməyənlər üçün xatırlatma:


"Lider" TV-nin əməkdaşı Anar Həsənov Rusiyanın xarici siyasətinin rəhbəri Sergey Lavrova belə bir sual ünvanlayır:


"Azərbaycan tərəfinin antiterror əməliyyatlarına başlayacağı və işğal olunmuş əraziləri işğalçılardan təmizləyəcəyi təqdirdə Moskva necə hərəkət edəcək: buna göz yumacaq, yoxsa Azərbaycanın daxili işlərinə qarışacaq?

Lavrov isə cavabında bildirir ki, Dağlıq Qarabağ məsələsi Azərbaycanın daxili işi deyil.

Azərbaycan sizin üçün nə sovet respublikası, nə RF-in subyekti deyil

2016-cı ilin nəticələrinə həsr edilmiş mətbuat konfransında RF XİN rəhbəri Sergey Lavrov Azərbaycanın ərazi bütövlüyünə nə suverenliyinə zidd olan ifadələr işlədib. Daha dəqiq desək, Dağlıq Qarabağın mövzusunda Azərbbaycanlı jurnalistin sualına cavab verərkən Lavrov deyib ki, “münaqişənin güc yolu ilə həll edilməsi abstrakt deyil və (sitat) “Azərbaycan Respublikasının daxili işi ola bilməz”.

Devalvasiyaya uğrayan manat, qiymətdən düşən neft, böhranlı iqtisadiyyat — Yekun və Proqnozlar

2016-cı ili qısaca bu cür ifadə etmək olar. 2016-c ilin sonunda ölkədə banklar dollar satışını dayandırdı, qara bazar canlandı.

2017-ci il isə 4%-li marjanın ləğv edilməsi və liberal məzənnə siyasətinə keçidlə başladı.

Yola saldığımız il və bizi gözləyən cari ilə aid suallarımızı iqtisadçı ekspert Vüqar Bayramov cavablandırıb.

"14 yaşlı əfqan uşağın ölüm təbəssümünü unuda bilmirəm" — Əfqanıstan müharibəsinin veteranı ilə müsahibə

Müharibə. İqtisadiyyatın təmərküzləşmiş forması deyirlər, ancaq müharibələr öldürür, faciələr yaşadır, qatillər və didərginlər yaradır.

70 il sovet hakimiyyətində yaşadığımıza görə, istəsək də, istəməsək də sovetlərin qatıldığı müharibələrdə iştirak etmişik. 2-ci dünya müharibəsi, Əfqanıstan müharibəsi. Ölkəmizdə hər iki müharibədə iştirak edən kifayət qədər adam var.

90 minlik tualetin açılışında dövlət himnimiz də səsləndirilib — Beyləqandakı tualetdən FOTOREPORTAJ

Son günlər ölkənin gündəmində olan rayon Beyləqan və onun icra başçısı Vaqif Abdullayevdir.

Beyləqan rayonunu və onun icra başçısını gündəmə gətirən səbəb Beyləqan şəhərindəki 1 və 4 nömrəli tam orta məktəblərdəki yeni istifadəyə verilmiş tualetlərin açılışı, açılış zamanı isə təntənəli surətdə qırmızı lentin kəsilməsi və dövlət himninin səsləndirilməsidir.

Azərbaycan Ordusunun Mixaylosu — Qarabağ və Əfqanıstan müharibəsinin veteranı danışır

Kiçik ölkə olmağımıza baxmayaraq qanlı-qadalı müharibələr görmüşük.

Sovet dövrü İkinci Dünya müharibəsi, Əfqanıstan müharibəsi, müstəqilliyimiz isə Qarabağ müharibəsi ilə yadda qaldı.