26.11.2022

Qarabağdakı aktiv təhlükə: Rəsmi Bakı sülhməramlılarla hansı dildə danışmalıdır? - Səxavət Məmməd yazır

44 günlük müharibə 10 noyabr üçtərəfli bəyanatı ilə yekunlaşandan sonra Azərbaycanda bir qrup şəxs haqlı olaraq iradlarını dilə gətirdi.

Misal üçün, keçmiş Dağlıq Qarabağ ərazisinin bir hissəsinin Azərbaycanın yurisdiksiyasına keçməməsi və Laçın dəhlizi.

Bir qrup ekspert və şərhçilər isə Rusiya sülhməramlılarını mədh edir, tənqid edənləri isə topa tuturdular.

Paşinyanın oynaq siyasəti: Şuşanın atəşə tutulması nədən xəbər verir? - Səxavət Məmməd yazır

G20-nin toplantısına qatılmayan Rusiya Prezidenti Vladimir Putin İrəvanda Kollektiv Təhlükəsizlik Müqaviləsi Təşkilatının (KTMT) iclasına qatılacaq. Belə desək, hərənin öz kruqu…

İrəvanda keçirilən KTMT-nin iclasında Rusiya Prezidenti Vladimir Putin, Belarus Prezidenti Aleksandr Lukaşenko, Qazaxıstan Prezidenti Qasım Cömərd Tokayev, Qırğız Respublikasının Prezidenti Sadır Japarov, Tacikistan Prezidenti Emoməli Rəhmon və KTMT-nin Baş katibi Stanislav Zas da iştirak edəcəklər.

Rusiyanın Qarabağda möhkəmlənmə PLANI: Azərbaycanla hərbi toqquşma ehtimalı - Səxavət Məmməd yazır

Rusiya Qarabağda 2025-ci ilə hazırlaşır. Obrazlı desək, toxumları səpib, cücərməsi üçün işlər görür.

Faktiki olaraq Qarabağ məsələsində tərəf kimi Rusiya ilə Azərbaycan var. Nə Ermənistan, nə də qondarma “Dağlıq Qarabağ” tərəfdir. Qarabağdakı separatçılar da Rusiyanın çömçəsidir.

Onsuz da Ermənistanda hərbi bazası ilə olan Rusiya bu bölgədə varlığını davam etdirmək üçün strateji planlamada müharibədən sonra Qarabağa yerləşdi. Rusiya Qarabağdan, dolayısı ilə bölgədən çıxmaq istəmir. Rusiyanın fəaliyyəti onu deməyə əsas verir ki, planları yaxın vədəli, yəni 2025-ci ilin noyabrına qədər deyil.

Qarabağda mümkün hərbi əməliyyat: Rəsmi Bakı beynəlxalq təzyiqi necə neytrallaşdıracaq? - Səxavət Məmməd yazır

Ermənistan da, Rusiya da, Fransa da, ümumiyyətlə, regionda maraqlarını təmin etmək istəyən bütün oyunçular oyunlarını Qarabağın başında qurublar. Qarabağ ayılar üçün armud misalına dönüb. Bu oyunların dayanacağını gözləmək sadəlövhlük olardı.

Son vaxtlar müharibə ritorikası yenidən artıb. Hesab edirəm ki, baş verən məntiqsizliklər fonunda tək məntiqə uyğun variant da budur.

Nə üçün Fransa Senatının məlum qərarının qəbulunu əngəlləyə bilmədik? - Səxavət Məmməd yazır

Ermənistan Qarabağdakı ermənilərin “müstəqilliyini” tanımır, ancaq Fransa Senatı tanıyır. Qarabağ münaqişəsinin əsasını qoyub onu idarə edən və hələ də orada sülhməramlı adı altında ordu saxlayan Rusiya belə Qarabağdakı ermənilərin “müstəqilliyini” tanımır, ancaq Fransa tanıyır.

Bunu yazmaqla Fransanı məzəmmət etmək niyyətində deyiləm.

İran-Azərbaycan gərginliyi və üçüncü ölkələr - Səxavət Məmməd yazır

İranla Azərbaycan arasındakı gərginlik ənənəvi xarakter daşıyır. Bunu Azərbaycanda az qalsın bütün politoloqlar, siyasi şərhçilər deyib ki, Azərbaycan müstəqil olandan sonra İran bu torpaqlara yem gözü ilə baxıb.

Son aylarda İran-Azərbaycan arasında baş verənlər isə ənənəvi gərginlikdən xeyli fərqlənir.

Açığı, süniliyin olduğunu sezmək o qədər də çətin deyil.

Qarabağda sülhməramlı provokasiyası və rus-fars antiAzərbaycan birliyi - Səxavət Məmməd yazır

Sülh, delimitasiya söhbətləri başlayandan və bu istiqamətdə görüşlər keçirilməyə başlandıqdan sonra Ermənistan və Azərbaycan dövlət sərhədində atəşkəsin pozulması adət halını alıb.

Dövlət sərhədində atəşkəsin pozulması adiləşsə də, Rusiya sülhməramlılarının nəzarəti altındakı hissədə uzun müddət idi ki səssilik hökm sürürdü. Ancaq dünəndən başlayaraq Xocavənd istiqamətində atəşkəs pozulmağa başlayıb.

Qarabağda atəşkəsin pozulması məntiqi sonluqdur. Ruben Vardanyanın Rusiya tərəfindən Xankəndiyə göndərilməsi, ona vəzifə verilməsi, adıgedən şəxsin verdiyi açıqlamalar onu deməyə əsas verirdi ki, atəşkəsin pozulması Qarabağ cəbhəsində də gözləniləndir.

10 noyabr 2020-ci il: Həmin gün döyüş postlarında nə yaşanıb? - Səxavət Məmməd yazır

Sonucu dəfə saata baxanda saat 1-ə 20 dəqiqə işləmişdi. Ağdamdakı postların birindəyəm. Erməni mövqeləri ilə məsafəmiz çox azdır.

Gecəgörmə işləmir, qulağımızı torpağa dirəyib səs dinləyirik. Arada uzanıqlı vəziyyətdə bir əsgərlə xısın-xısın söhbət edirik. Ailəsindən danışır. Ailəsinə əsəbləşmişdi. Telefonla danışanda hətta onları hədələmişdi ki, şəhid olacaq. Bir qədər danışandan sonra əsəbi şəkildə dedim, bilirsən də, etdiyinin adı eşşəklikdir!

Zəfəri taclandıran xəbər: Kimisi üçün son Şuşa idi, kimisi üçün Xankəndi... - Səxavət Məmməd yazır

Kimisi üçün son Şuşa idi, kimisi üçün Xankəndi… Arzular, istəklər başqa və reallıqlar isə bir başqa idi.

Nə yalan deyim, işğaldan azad edilmiş ərazilərdən məni ən çox sevindirən öncə Ərgünəş, sonra isə Hadrut olmuşdu. Ərgünəş həm çətin idi, həm də açar. Azərbaycan xalqı üçün Şuşanın mənəvi dəyəri nə idisə, ermənilər üçün də Hadrutun mənəvi dəyəri o idi. Hadrutun işağldan azad edilməsi həm də tamın məhv olması demək idi. Tam olmayan şeyin statusu da olmur.

Çətiraltı, yoxsa sətiraltı? - Bağlı qapı ardından gələn səslər - Səxavət Məmməd yazır

Maraqla gözlənilən Soçi görüşü arxada qaldı. Soçi görüşündən geridə qalanlar nə oldu?

Brüssel görüşündə bədən dili mütəxəssisi olduğu aşkara çıxan Azərbaycan ictimaiyyətinin Soçi görüşündən sonra da çətirşünas ixtiasına yiyələndiyi aydınlaşdırıldı.

Bədəni, çətiri, qoyaq bir kənara, görüşün sətiraltılarına baxaq. Niyə sətiraltı? Çünki açıq şəkildə görüş barədə informasiya yoxdur. Görüşün nəticəsi ilə bağlı imzalanmış bəyanat o qədər bəsit idi ki, bir çox media qurumu onu heç manşetinə belə daşımadı.

Ermənistanın Qarabağ planı və Rusiyadan gələcək təhlükə - Səxavət Məmməd yazır

Soçi görüşünün nəticəsinin nə olmasından aslı olmayaraq…

Azərbaycanla Ermənistan arasında sülh müqaviləsinin imzalanması nə qədər real görünsə də, Rusiya sülhməramlılarının nəzarəti altındakı bölgənin Azərbaycanın yurisdiksiyası altına keçməsi o qədər gerçəkçi deyil.

Azərbaycanın əlində Ermənistan və Qarabağdakı ermənilərə qarşı istifadə edəcək nələri var idi? Öncə buna baxmaq lazımdır. Azərbaycan ictimaiyyətində əksəriyyətin fikri bu yöndə idi ki, rəsmi Bakı hərbi gücdən istifadə edərək erməniləri razı sala biləcək.

Azərbaycan gözləmə mövqeyində: Ermənistanın Rusiyaya "kəllə atması" nə ilə nəticələnəcək? - Səxavət Məmməd yazır

Ermənistan Rusiyadakı sözçülərinin ölkəyə gəlişinə qadağa qoyub. Bu o anlama gəlir ki, Paşinyan da onların, əslində, Ermənistanın yox, Rusiyanın maraqları baxımından rəsmi İravana dəstək olduğunu anlayıb.

Paşinyan Qərbə meyil etdikcə həmin sözçülər Nikolu və onun iqtidarını topa tutublar. Həmin sözçülər Rusiyanın maraqları çərçivəsində Ermənistanın ruporluğunu ediblər. Artıq Ukrayna fonunda hər kəs necə açıq oynayırsa, Cənubi Qafqazda da hər kəs açıq oynamağa başlayıb.

Kremlin Qarabağla bağlı PLANI: Rəsmi Bakı artıq fəaliyyətə başlayıb - Səxavət Məmməd yazır

Rusiya ilə Azərbaycan arasında gərginlik yüksələn xətlə davam edir.

Bu gərginliyin görünən tərəfləri bunlardır:

Əvvəlcə Rusiyanın “Birinci kanal”ında Azərbaycana qarşı təxribat xarakterli çıxışlar oldu, ölkəmizin suverenliyi təhdid edildi və ardınca Azərbaycan Dövlət Televiziyası Rusiyaya tutarlı cavab, həmçinin rəsmi Bakı Moskvaya nota verdi.

Babək Səmidlinin səs yazısının PƏRDƏARXASI: Azərbaycana qarşı aparılan hibrid müharibə - Səxavət Məmməd yazır

Şəhid polkovnik Babək Səmidlinin yayılmış səs yazısı bir çox mətləblərə aydınlıq gətirdi. Ancaq həmişəki kimi yenə də Azərbaycan ictimaiyyəti nəticə barədə danışır, səbəblər isə kənarda qalıb.

Gələk səs yazının Babək Səmidliyə aid olub-olmamasına. Səs yazısı əminliklə deyə bilərəm ki, Babək Səmidliyə aiddir. Bəzi dahi ekspertlərimiz səhər ona aid olmamasını, axşam isə ona aid olmasını deyib detallarını müzakirə edə bilir. Bu tip ekspertlərimiz gündə bir mövzu ilə bağlı 5-6 versiya səsləndirir. Gerçəklər üzə çıxanda isə proqnozları düz çıxmış kimi: “Bbaxın, mən demişdim”, – deyə bilir.

 Nə isə…

Böyük dövlətlərin QARŞIDURMASI: "Bu müharibə sonun başlanğıcıdır" - Səxavət Məmməd yazır

Elə bir dönəmə gəlib çıxmışıq ki, artıq bütün intriqalar, keçmiş söhbətlər, davalar yeni formada üzə çıxır.

“Yeni dünya düzəni”, “Dünyanın yenidən şəkilləndirilməsi” deyiləndə çoxları bunun sakit yolla həll olduğunu düşünürdü. Faktiki olaraq tarixə nəzər salanda görürük ki, bütün şəkillənmələr müharibələrlə, kataklizmlərlə, böyük insan itikləri ilə baş verib. Yəni yeni düzən də böyük müharibələr hesabına başa gələcək.

Mümkün müharibə ssenarisi: Strateji güc Azərbaycandadır - Səxavət Məmməd yazır

Ermənistanla Azərbaycan arasındakı münasibət kövrək olduğu qədər iddialar da müxtəlifdir. Bir gün qısa zamanda sülh müqaviləsinin imzalanacağı deyilsə də, sabah sülh müqaviləsi imzalanmayacağı təqdirdə, qısa zamanda müharibə ehtimalı da iddia olunur.

Erməni tərəfinin informasiya maşını artıq hər iki istiqamətdə də işlər aparır. Yəni dünya və cəmiyyətlər hər iki versiyaya da hazırlanırlar.

Sülh prosesini dalandan çıxarma yolu: Bu dəfə toplum qurbanlarını seçməlidir - Səxavət Məmməd yazır

Azərbaycanla Ermənistan bir yandan sülh və delimitasiya prosesinin həyata keçirilməsi üçün razılaşır, təkliflərə açıq olduqlarını bəyan edir, digər tərəfdən isə sərhəddə atəşkəs pozulur.

Bunu həm münaqişənin qalıqları kimi qiymətləndirmək olar, həm də qarşı tərəfin və maraqlı güclərin təzyiqi kimi də.

Azərbaycan tərəfi demarkasiyanı həll etdiyi üçün sahədə qazandığını masada təmin etməlidir. Artıq bundan sonra bütün güc diplomatların üzərinə düşməlidir.

Bakı ilə İrəvan arasında "sürətli sülh" ehtimalı: Rusiya, Çin və Türkiyə faktoru - Səxavət Məmməd yazır

Azərbaycanla Ermənistan arasında sürətli sülh sazişinin imzalanması və delimitasiyanın aparılması ilə bağlı müxtəlif ölkələrin fərqli media qurumlarında iddialar ortaya atılır.

Azərbaycan tərəfinin əlini güclü edəcək nüanslardan biri demarkasiya prosesini təktərəfli şəkildə həll etməsi oldu. Son sərhəd toqquşmasından sonra Azərbaycan dövlət sərhədi istiqamətində, demək olar, bufer zona yarada bilib. Əsas məsələlərdən biri də Azərbaycanın masada yaratdığı bufer zonanı əlində saxlaması olacaq. Azərbaycan tərəfi o əraziləri böyük itiklər hesabına əldə edib, ona görə də oradan geri çəkilməsi mümkün görünmür.

Bir videonun gündəmə gətirdiyi açıq suallar və ya erməni dəyirmanına su tökən kimdir? - Səxavət Məmməd yazır

Savaşlar hər nə qədər ölüb-öldürmək meydanı olsa da, müharibələrin də öz qanunları, əsirlərlə, meyitlərlə, mülki əhali ilə davranma qaydaları var.

Müharibələrdə əsirlər üç kateqoriyaya bölünür: Mülki əsirlər, hərbi əsirlər və kəşfiyyatçılar. Təbii ki, onlara qarşı davranış qaydaları da fərqlidir.

 Yeganə jurnalistlərdir ki, kəşfiyyatçılara necə davranırlarsa, onlara da elə davranırlar.

Dünyanı gözləyən ağır böhran: Azərbaycanın hər iki planı hazır olmalıdır - Səxavət Məmməd yazır

Regionda vəziyyətin gərgin olması artıq heç kimə sirr deyil.

Ermənistanla Azərbaycan arasındakı münaqişə hər an yeni mərhələyə qədəm qoya bilər. Əslində bunda maraqlı olan tərəflər də var. Artıq bir neçə aydır ki, Qarabağ, Rusiya sülhməramlılarının müvəqqəti nəzarətində olan bölgə ilə bağlı demək olar, bir cümləyə belə rast gəlmirik. Hesab edirəm ki, Qarabağın sülhməramlıların müvəqqəti nəzarətində olan bölgəsi ilə bağlı müvəqqəti də olsa status-kvo əldə edilib.

Məsələ ondadır ki, müvəqqəti də olsa, Qarabağla bağlı Rusiya, Azərbaycan və Ermənistan ortaq bir qərara gəliblər. Ancaq bölgədə maraqlı olan ölkələr bu üçlünün əldə etdiyi status-kvo ilə razılaşmırlar. Onların maraqlarının da təmin edildiyi yeni status-kvoya ehtiyacları var.

Müharibədən sağ qayıdan olmur - Səxavət Məmməd yazır

Müharibənin çox ağır proses olduğunu anlatmağa gərək yoxdur.

Elə bir regionda yaşayırıq ki, müharibələr qaçınılmazdır. Müharibələr hər nə qədər ağrılı, acılı olsa da, cəmiyyətlərin inkişafı üçün ən gözəl vasitə olur. Hər müharibədən sonra dünya yeni mərhələyə qədəm qoyur. Sülhün müharibəyə hazırlıq mərhələsi olduğunu düşünənlərdənəm. Əbədi və daimi sülh olmur, ancaq müharibələr əbədidir, daimidir, hər kəs görüb, görür, görəcək… Bu, müharibəni sevdiyim anlamına gəlmir, əslində, müharibələr iyrəndirir, ruhumla, vücudumla iyrənirəm, lakin reallıqlara da kor ola bilmərəm.

Böyük güclərin SAVAŞ MEYDANI: Azərbaycan hansı addımı atmalıdır? - Səxavət Məmməd yazır

Qarabağ və Ermənistan-Azərbaycan arasındakı münaqişəni dünyada və regionda baş verən proseslərə baxmadan dəyərləndirmək məntiqsizdir.

Açıq şəkildə dünyadakı güclərin savaşı gedir. Ukrayna-Rusiya müharibəsi ilə tərəflər səfini bəlli etdi. Hazırda heç bir dövlət dolayısı ilə iş görmür. Hər kəs mövqeyini ortaya qoyub, açıq oynayır. Təkcə bununla da bitmir, həm də dövlətlər səflərini seçirlər. Beləcə “dünya bir qütbə gedir” tezisi də gündəmdən düşür. Hətta BMT Baş katibi də bundan narahat olduğunu dilə gətirdi. Yəni bizi qarşıda daha kəskin, daha radikal dəyişikliklər gözləyə bilər.

“Göyçə Zəngəzur Respublikası” və aşınan cəmiyyət haqqında bir neçə söz - Səxavət Məmməd yazır

Deyir, qulaq gündə bir şey eşitməsə, kar olar.

Azərbaycan da elə bir ölkədir ki, gündə bir absurd hadisə baş vermək məcburiyyətindədir. Alın yazımızdır…

“Göyçə-Zəngəzur Respublikası” yaradılıbmış.

Sosial şəbəkəyə baxırsan, hamı lağ edir, gülür, məsxərəyə qoyur. Bir qrup insan da var ki, deyir, niyə lağ edirlər? Gözəl ideyadır.

Böyük güclərin qazanc SAVAŞI: Zəngəzur dəhlizi ətrafında OYUN - Səxavət Məmməd yazır

Azərbaycan-Ermənistan arasındakı gərginlik üzərindən böyük güclər artıq açıq oynayırlar.

Əslində bunu tərsindən də oxya bilərik. Böyük güclərin maraqları onsuzda sülh olmayan Azərbaycanla Ermənistanın münasibətlərini daha da gərginləşdirib. Bunun necə anlaşılması biraz məntiqə, biraz da niyyətə bağlıdır…

Hesab etmirəm ki, ABŞ Konqresinin Nümayəndələr Palatasının spikeri Nensi Pelosi Azərbaycanın Ermənistanın sözdə ərazisini işğal etməsinə görə İrəvana səfər edib. Niyə “sözdə”? Çünki faktiki olaraq iki ölkə arasında bu günə qədər nə sərhəd olub, nə də qarşılıqlı sərhədlərin tanınması. Məsələ Rusiyanın açmaq istədiyi nəfəsliyi açılmadan boğmaqdır.

İnformasiyasız buraxılan cəmiyyət və kommunikasiya problemi - Səxavət Məmməd yazır

Azərbaycanın hər zamankı kimi ən böyük bəlası və problemi informasiyasızlıq, kommunikasiyasızlıqdır. Ermənistanla sülhə gedib kommunikasiya yollarının açılması üçün əlindən gələni edən ölkə informasiya sahəsində niyə kommunikasiya qura bilmir, bunu anlamaq çətindir.

Sərhəddə baş verən döyüş toqquşmasından sonra erməni tərəfi Azərbaycan ordusunun Ermənistan ərazisinə girdiyini iddia edir. Dəqiq yer adları, neçə kilometr məsafədə irəliləmə ilə bağlı durmadan yazırlar. Azərbaycan tərəfi isə susur. Cımbızla çəksək belə, informasiya əldə edə bilmirik.

Qaraçı qız və şəhid qardaşının məhzun videosu... - Səxavət Məmməd yazır

Ümid doğulur…

Dünən səhər tezdən fikirli-fikirli yol gedirəm. Birdən diqqətimi bir qız çəkdi. Yaşı heç 8 olmazdı. Baxan kimi dilənçi olduğu məlum olurdu. Ancaq mənim diqqətimi çəkən onun dilənçi olması deyildi.

Bir küncdə, daşın üstündə oturub balaca çantasından nəsə çıxarırdı. Onu müşahidə etdiyimi görə bilməzdi. Başı özünə qarışmışdı.

Sərhəd toqquşması: Azərbaycanın planı, Rusiyanın susqunluğu və açıq suallar haqqında - Səxavət Məmməd yazır

Ermənistanla Azərbaycan arasındakı münasibətlər “bitib” deməklə bitəcək cinsdən deyil, olmayacaq da. İki ölkə arasında prosesin tam bitməsi üçün mütləq şəkildə sərhədlər müəyyən edilməli, sülh müqaviləsi imzalanmalıdır. Məsələ ondadır ki, erməni tərəfi buna yaxın gəlmir, gəlməmək üçün də hər variantdan istifadə edir.

Sərhəddəki döyüş toqquşmasına bir neçə yöndən baxmaq olar.

Dövlət sərhədindəki toqquşmalara gətirib çıxaran proses - Səxavət Məmməd yazır

Dünən gecə saatlarından başlayan Azərbaycan-Ermənistan dövlət sərhədindəki toqquşma son günlər baş verənlərin məntiqi sonluğu idi.

Ermənistan tərəfi Brüsseldə verdiyi sözü tutmadı, həmin ölkənin baş naziri Nikol Paşinyan isə Azərbaycanla razılığa gələ bilmədiklərini açıqladı.

Məhz Brüssel görüşündən sonra dövlət sərhədində atəşkəs intensiv pozulmağa başladı. Qarşı tərəf bir neçə istiqamətdə təxribatlara əl atdı.

Dünən gecə erməni ordusu bir neçə istiqamətdə sərhədi pozaraq təxribat-diversiya işi görməyə cəhd edib. Bu addım bardağı daşıran son damla olub.

Azərbaycan problemi həll etmək üçün bu riskləri gözə almalıdır - Səxavət Məmməd yazır

Qarabağ ətrafında və Ermənistanla Azərbaycan arasında cərəyan edən hadisələr son dərəcə dəyişkən və kövrəkdir.

Azərbaycan tələsir. Tələsməkdə də haqlıdır. Çünki vaxt yoxdur. Problemi çözməlidir. Proses uzandıqca əlavə problemlər, yeni oyunçular, bəzən də Ruben Vardanyanın timsalında oyucaqlar prosesə daxil olur. Niyə oyuncaq? Çünki Moskvadan göstəriş almadan onun Qarabağa gəlməsi mümkünsüzdür. Qısası, Moskva bu günə qədər asanlıqla qazandığı pullar qarşılığında Rubeni sürgünə göndərib.

Rusiya və Avropanın Qarabağda toqquşan mənafeləri: Azərbaycan hansı addımı atmalıdır? - Səxavət Məmməd yazır

Qarabağ münaqişəsinin və Ermənistanla Azərbaycan arasındakı problemin həllinin yeni mərhələyə qədəm qoyduğu bildirilsə də, prosesə dərindən baxdığımız zaman irəliyə doğru atılmış addımların ciddi hesab edilə biləcək dəyişiklik yaratmadığını görürük. 

Ən azı maraqlı dövlətlər mövqelərindən bir addım da olsun geri atmır. Avropa İttifaqı Cənubi Qafqazı ələ keçirmək üçün cəhdlər edir, Rusiya 200 ildən çoxdur arxa bağçası saydığı regionu təhvil vermək istəmir. Burada ABŞ-nin fəaliyyətini də gözdən qaçırmaq olmaz. ABŞ Ermənistandakı diplomatlarının sayını artırır, ardınca olmayan Minsk qrupunu diriltməyə çalışır, bu azmış kimi, Qarabağdakı separatçıların “xarici işlər naziri”ni Vaşinqtona dəvət edir. Maraqlıdır, separatçıların “xarici işlər naziri”nə hansı ölkənin pasportu ilə viza verilib?

Laçından Xənkəndiyə açılan yol - Səxavət Məmməd yazır

Laçın rayonu, Zabux və Sus kəndlərinin Azərbaycanın nəzarətinə keçməsindən sonra elə ab-hava yaranıb ki, sanki Qarabağda hər şey bitib. Əksinə, çox şey hələ yeni başlayıb.

Münaqişənin aktiv fazası bitsə də, qalıqlar var və davam edəcək. Münaqişənin qalıqları zaman-zaman müxtəlif formalarla qarşımıza çıxacaq. Yəni kimsə 1988-ci ildən başlamış və 30 ildən çox davam etmiş düşmənçiliyin qısa zamanda bitməsini gözləməsin. Buna heç tərəflərin cəmiyyətinin düşüncəsi də imkan verməyəcək. Çünki hər iki tərəfdə çoxlu sayda pupulistlər mövcuddur və onlar düşmənçiliyi körükləyəcəklər. İki dövlət də müstəqillikdən sonra normal cəmiyyət yetişdirmək yerinə, maraqlarına xidmət edən toplum yetişdirib. Ona görə də proseslər sivil formada, qarşılıqlı anlaşma ilə çətin həll olunsun.
Real Time Analytics