"Tərtər işi"nin əsas MAHİYYƏTİ - Casusluq, vətənə xəyanət, yoxsa işgəncə, qeyri-qanuni əməllər? - Səxavət Məmməd yazır

Son bir ilin ən çox müzakirə olunan məsələsi adına şərti olaraq “Tərtər işi” qoyulan hadisədir. Bu işin mahiyyəti lazımi istiqamətdən çox yayınıb. Məsələnin mahiyyəti casusluq, vətənə xəyanət olsa da, ölkədə ən çox müzakirə olunan məsələ işgəncə, qeyri-qanuni əməllər oldu.

Demirəm işgəncə, qeyri-qanuni əməllər müzakirə olunmasın. Olunsun, günahkarlar cəzalandırılsın. Ancaq işgəncə faktları casusluq faktını çox kölgədə qoydu. Prosesin cəmiyyət tərəfindən bu cür qəbullanması üçün də az iş görülmədi. Casusluq, xəyanət bilərəkdən və ya bilməyərəkdən arxa plana keçdi. Cəmiyyətdə artıq elə bir fikir formalaşıb ki, 2017-ci ilin may ayında baş verən hadisələr zamanı cəsusluq olmayıb, xəyanatdən söhbət belə gedə bilməz. Hətta casusluqdan söz açanları də söyüşə, təhqirə məruz qoyurlar.

Hədəfdə Hikmət Mirzəyev: General-leytenantı niyə ləkələmək istəyirlər? - Səxavət Məmməd yazır

Azərbaycan Silahlı Qüvvələrinin general-leytenantı, Xüsusi Təyinatlı Qüvvələrin komandanı, Aprel döyüşlərinin və İkinci Qarabağ müharibəsinin hərbi rəhbərlərindən biri, Vətən Müharibəsi Qəhrəmanı Hikmət Mirzəyev tərəfli-tərəfsiz Azərbaycan xalqının sevgisini qazanıb.

Hikmət Mirzəyevin Aprel döyüşlərində və İkinci Qarabağ müharibəsində göstərdiyi şücaət haqqında danışmaq artıqdır. Hikmət Mirzəyev Polad Həşimov da deyil, deyək ki, borcu var, krediti var. Bunu desək, yalançı olarıq. Ancaq dəqiq deyə bilərik ki, adı rüşvətdə, intriqada hallanmayıb. Artıq sirr deyil ki, sabiq Baş Qərargah rəisi Nəcməddin Sadıkov hətta Xüsusi Təyinatlı Qüvvələri belə ləğv etmək üçün əlindən gələni edib.

"Zəka küpləri"nin müharibəsi: "Bayrağı tapdalamaqla..." - Səxavət Məmməd yazır

Azərbaycanla Ermənistan arasındakı müharibə nə vaxtsa bitəcək, ola bilsin sülh də olacaq. Ancaq biz bunu hər iki cəmiyyətdəki bəzi düşüncəsizlərə görə ürəkbulanma ilə yaşayacağıq.

Uşaq olanda TV-də xəbərlərdə ABŞ bayrağının, prezidentinin maketinin yandırılmasını görəndə həmişə yanımda olan böyüklərdən soruşurdum ki, bunu edəndə nə olur? Cavablar demək olar bənzər olurdu – Amerikaya etiraz edirlər. Bayraq yananda nə əldə edirlər? Nəticəyə təsir edir? Bu suallara isə cavab ala bilmirdim.

Zəngəzur DƏHLİZİ: Çözüm üçün illər lazımdır, yoxsa güclü zərbə? - Səxavət Məmməd yazır

Zəngəzur dəhlizi, Zəngəzur təhdidi.

Azərbaycan-Ermənistan müharibəsinin tarixinə baxdıqda açıq görürük ki, erməni tərəfi yalnız güc və təzyiq qarşısında hansısa addım atır. Əslində bu təkcə Ermənistana xas olan xüsusiyyət də deyil. Maraqlar toqquşanda heç kim öz xoşuna geri addım atmır. Ermənistanın təhdid qarşısında bu günə qədər bir addım da olsun geri çəkildiyi görülməyib.

Helikopter qəzasının Zəngəzurla bağı və Rusiyanın kiçik həmləli böyük planı - Səxavət Məmməd yazır

Noyabrın 30-da Dövlət Sərhəd Xidmətinə məxsus helikopterin qəzaya uğraması nəticəsində 14 zabitimiz şəhid oldu.

Hadisənin səhəri günü Bakının mərkəzində aksiya təşkil olundu və Tofiq Yaqublu döyüldü. Demirəm, bunlar gündəm olmayacaq məsələdir, ancaq ölkənin acılı gündəmi zamanı Rusiya “sülhməramlılar”ı vaxt tapıb Xankəndidə separatçılarla birlikdə dəniz rəssamı İvan Aivazovskinin büstünün açılışında iştirak ediblər. Büstün müəllifi rus heykəltəraş Mixail Serdyukovdur.

İvan Aivazovski milliyətcə erməni olub və əsərlərinin böyük hissəsi İstanbulun dəniz mənzərələrinə həsr olunub. Belə birinin Xankəndində büstü niyə açılsın? Komplo nəzəriyyələrini sevmirəm. Ancaq bunu sevənlərin xurcununa, “Burada Türkiyəyə də mesaj var” cümləsini qoyub, keçirəm digər məsələlərə.

Nazirliyin susqunluğunun yaratdığı fərziyyələr: Əsgərə cinayət işi açılıb, ya yox? - Səxavət Məmməd yazır

Belə bir misal var: Danışmaq gümüşdürsə, susmaq qızıldır. Buna belə bir cavab da vermək olar:

Baxır, hansı xiridar yanında.

Azərbaycanda nazirlik və komitələrin mətbuat xidmətləri Azərbaycan ictimaİyətini ya yaxşı xiridar hesab etmir, ya açıqlama verməməyin qızıl olduğuna inanıblar, ya da onları buna inandırıblar.

Elçin Quliyevin "bulandırdığı" su və ya rəsmi qurumların "helikopter süqutu" - Səxavət Məmməd yazır

Noyabrın 30-da baş verən helikopter qəzası Azərbaycan hərbi aviasiya tarixinin ən ağır itkisi idi desək, yanılmarıq.

İki ağır müharibədən keçən, 2016-cı ildəki aprel döyüşlərini görən Azərbaycan Ordusu və hərbi aviyasiyamız bu qədər ağır itki verməmişdi.

Bəlkə də, bu, maliyyə baxımından belə deyil. Çünki təkcə birinci müharibədə Azərbaycanın arsenalında olan 45 qırıcıdan 28-i və 19 hərbi helikopteri məhv edilmişdi. Həmin qırıcılar, əsasən, keçmiş Sovet hərbi təcrübəsi keçmiş, Rusiya və Ukraynadan gətirilən muzdlular tərəfindən idarə olunurdu. Yəni Azərbaycan Hərbi Hava Qüvvələri texnika itirsə də, çox az sayda pilot itirmişdi.

Paşinyana təşəkkür, bəyanata tüpürmək və dəhlizlər - Səxavət Məmməd yazır

Şuşada yallı getməklə, “Qarabağ Ermənistandır” deməklə Azərbaycan xalqını özündən çıxaran, havalandıran Paşinyan, deyəsən, milləti eyforiyadan ayıltmaq missiyasını da öz üzərinə götürüb. Hər iki xidmətinə görə Paşinyana təşəkkür edib, keçək digər məsələlərə.

Pafoslu şəkildə belə də yaza bilərdim ki, Paşinyan yallı getdi, cəzasını aldı, indi də yekə-yekə danışır, cəzasını alacaq. Qarabağ müharibəsini araşdıran, prosesləri izləyən hər kəs yaxşı bilir ki, 44 günlük müharibə nə Paşinyanın yallısına görə başlamışdı, nə də “Qarabağ Ermənistandır” bəyanatına görə.

Orduda nizam-intizam əskikliyi: Hərbçilər, yoxsa Müdafiə Nazirliyi cəzalandırılmalı idi? - Səxavət Məmməd yazır

Bir neçə gün öncə Azərbaycan-Ermənistan sərhədində baş verən döyüşlərdən sonra bəzi hərbçilər cəzalandırılıb. Cəzalandırmaya səbəb intizamsızlıqdır.

Təbii ki, Müdafiə Nazirliyinin bu addımı birmənalı qarşılanmayıb. Bir çoxları nazirliyi bu addım atdığına görə qınayır. Bəziləri isə haqlı hesab edir. Hərənin öz düzü var. Hisslər və nizamnamə.

Məsələyə bir qədər geniş baxmaq lazımdır. Sosial şəbəkələrdə yayılmış videolara baxanda, əslində, xaotik bir vəziyyətlə qarşılaşırıq. Erməni tərəfinin yaydığı videolara baxanda açıq şəkildə görünür ki, Azərbaycan Ordusunun bölmələri cəm halda, sanki mitinqə gedirmiş kimi erməni mövqelərinə doğru gedirlər. Nə ara məsafəsi var, nə komandirin yeri bəllidir, nə əsgərin. Silah çiyində, telefon əldə.

Cəbhədəki gərginliyə Rusiyanın SUSQUNLUĞU - Nə baş verir? - Səxavət Məmməd yazır

Son günlər Qarabağda və Ermənistan-Azərbaycan sərhəddində gərginlik son dərəcə artıb. Öncə erməni terrorçu Azərbaycan postuna qumbara atdı, ardınca isə Kəlbəcər istiqamətində atəşkəsi pozdu.

Qarabağın daxilində təxribatlara Azərbaycan tərəfi adekvat cavab verə bilməsə də, Ermənistan-Azərbaycan sərhəddi barədə bunu demək olmaz. Sərhəddə hər pozuntu erməni tərəfi üçün həm post, həm texnika, həm də şəxsi heyət itkisi ilə nəticələnir.

Cəbhədəki uğurumuza kölgə salan axsaq diplomatiyamız… - Səxavət Məmməd yazır

Sülh yoxdur, müharibə bitib deyirlər.

Dünən genişmiqyaslı əməliyyatlar həyata keçirildi, hər iki tərəfdən itkilər oldu, yenə çıxıb deyəcəklər ki, müharibə bitib. Azərbaycanla Ermənistan arasında müharibə bitməyib, müharibə şəraiti davam edir. Nə qədər ki, iki ökə sülhə qol çəkməyəcək, nə qədər ki, dövlət sərhədləri qarşılıqlı tanınmayacaq, nə qədər ki, erməni tərəfinin ərazi iddiası davam edəcək, müharibə şəraiti də davam edəcək. Bu birmənalıdır. Gəlin bir-birimizi aldatmayaq.

Müdafiə Nazirliyinin iş bilməzlliyi: Güc strukturunun işi nə vaxtdan bəyanat yaymaq olub? - Səxavət Məmməd yazır

Azərbaycan xalqı bayram qeyd etməyə hazırlaşarkən, Ermənistanın müdafiə naziri Qarabağa səfərə gəlib. Bu adi, sıradan bir səfər də olmayıb. Bölmələri təftiş edib, şəraitlə yerində tanış olub, döyüş tapşırıqları verib.

Azərbaycan tərəfi nə edib?

Müdafiə Nazirliyi səviyyəsində bəyanat. Bu bəyanat nə vaxt verilib? Arşak Karapetyanın İrəvana qayıtmasından iki gün sonra.

Dəfələrlə olub ki, Azərbaycan tərəfi rəsmi şəkildə Qarabağa, Laçın dəhlizinə nəzarət etdiyini bəyan edib. O bəyanlar zamanında da deyirdik ki, bu nəzarət sadəcə olaraq vizual xarekterlidir. Görməkdən başqa heç nəyə yaramır.

Arşak Karapetyanın Qarabağa səfəri bir neçə yöndən skandaldır.

Moskvanın Qarabağda bitməyən hoqqaları - Səxavət Məmməd yazır

Rusiya bölgədə 200 ildən çoxdur var və varlığını davam etdirmək üçün ən müxtəlif vasitələrdən istifadə edir. Rusiyanın apardığı siyasətə, texnologiyaya baxanda aydın şəkildə görmək olur ki, girdiyi ərazidən çıxmamaq üçün ən müxtəlif vasitələrdən istifadə edir.

Geriyə baxanda yalnız adların və tarixlərin dəyişdiyini görə bilirik. Plan, proqram, strategiya hamısı eynidir. Rusiya varlığını davam etdirmək üçün heç nədən çəkinən bir dövlət deyil. Erməniləri məhz bu niyyətləri üçün əraziyə köçürüblər, daha sonra onlara dövlət də yaratdılar. Ərazidə varlıqlarını qorumaq üçün münaqişə yaradıb, uzun illərdir ki, bundan iki dövlətə təsir vasitəsi kimi istifadə etdilər.

Koronavirusdan şeir yaza bilməyib AMEA-nı dağıdanları tərk edin, Ramiz müəllim… - Replika

“Özbaşınalıq baş alıb gedib, heç kim digərindən bir şey soruşmayıb, tələb və nəzarət etməyib”.

Normalda bu sözləri hansısa jurnalist bir qurum haqqında yazar, deyər. Çayxanalarda bir qurumu kimsə tənqid edəndə məhz bu sözlərdən istifadə edər.

Məsələ ondadır ki, bu sözləri nə hansısa jurnalist yazıb, nə antimilli ünsür olan müxalifətçi deyib, nə də çayxana massonları bu iddianı səsləndirib. Bunu elə AMEA prezidenti Ramiz Mehdiyev AMEA Rəyasət Heyətinin növbəti iclasında deyib.

Ölmədik, bu günü də gördük. Bir qurumun rəhbəri öz qurumunu necə dəqiq, səlist, real tənqid edə bilərmiş. Ramiz Mehdiyev ölkədə bir cığır açır. Özünütənqidin əsasını qoyur. Hətta Ramiz Mehdiyev demokratiyanın özüdür, şəffaflıq nümunəsidir, mənəvi keyfiyyəti fontan vuran şəxsiyyətdir də deyə bilərəm. Dizində təpər, qolunda güc olan bir dəqiqəlik ayaq üstə durub alqışlasın.

Dilimizdə danışa bilməyən Xalq yazıçısının sərsəm fikirlərinə sözardı... - Səxavət Məmməd

Son günlərin gündəmini zəbt edənlərin başında Xalq yazıçısı , detektiv janrda yazmaqla ad çıxaran Çingiz Abdullayev gəlir. Çingiz Abdullayevin uşağa su verib rahatlamasını qoyaq bir kənara. Qoy o etdiyi xeyirxahlığın eyforiyasında olsun, gələk Qarabağ müharibəsi ilə bağlı iddiasına.

Çingiz Abdullayevin bir videosu yayılıb, yazıçı əminliklə deyir ki, Birinci Qarabağ müharibəsi olmayıb. Məntiqimizi işə salıb, Çingiz Abdullayevə haqq qazandırmaq üçün deyə bilərik ki, rusdillidir, bəlkə, fikrini düzgün ifadə etməyib. Ancaq Çingiz Abdullayevin videosuna axıra qədər baxanda anlamaq olur ki, yox, adam dediklərindən əmindir və elə bu əminliklə də danışır. 44 günlük müharibəni əsl müharibə adlandırır. Onun sözündən belə çıxır ki, birinci müharibə saxta olub.

Xanlar Vəliyev "top"u MN-ə ATDI: "Tərtər işi"ndə zabit şərəfini ayaqlar altına atanlar... - Səxavət Məmməd yazır

Düz beş il sonra Azərbaycanın Hərbi prokuroru, ədliyyə general-leytenantı Xanlar Vəliyev “Tərtər işi” barədə açıqlama verdi.

Açıqlamada xeyli diqqət çəkən məqamlar var. Xanlar Vəliyev məsələ ilə bağlı birinci dəfə danışarkən işi “nağıl” adlandırsa da, etiraf xarakterli son açıqlamasında ilk dəfə bəzi etiraflar etmiş oldu. Belə ki, kütləvi şəkildə hərbçi şəxslərə qarşı qeyri-qanuni işgəncələr həyata keçirilməsini bəyan etdi. Bu, dəfələrlə yazılsa da, həmişə əksi iddia olunmuşdu.

Vəziyyətin nə qədər acınacaqlı olduğu Xanlar Vəliyevin “Mənim tələbim əsasında, Müdafiə Nazirliyinin tibb xidmətindən böyük briqadada həkimlər gəldi”, – cümləsinin altında gizlənir. İşgəncənin nə dərəcədə dəhşətli olması həm də buradan açıq aydın olur: “Bir qism insanlar mərkəzi hospitala təxliyə olundu, çünki onlara çox ciddi fiziki zorakılıq tədbirləri həyata keçirilmişdi. Həmin adamların böyük bir qisminin həyatı xilas olundu”.

Efirlərdə at oynadan "xüsusi təyinatlılar" - Səxavət Məmməd yazır

Birinci müharibənin kəşfiyyatçıları, ikinci müharibənin xüsusi təyinatlıları və yaxud gopoloqların kəşfiyyatçılığı…

Son dövrlər telekanallara və internet TV-lərə çıxanların hər biri özünü xüsusi təyinatlı adlandırır. Hərdən adama elə gəlir ki, kanallar hamısı ancaq xüsusi təyinatlıları efirlərinə dəvət edir. Məsələ ondadır ki, həmin adamların danışığından öncə cüssəsinə baxan kimi bilmək olur ki, özü boyda gopçudur. Azərbaycan Ordusunun tərkibindəki Xüsusi Təyinatlı Qüvvələrin say tərkibi bəllidir, onların bir hissəsi şəhid olub və ya yaralanıb, ancaq böyük hissəsi hələ də sağdır və xidmətdədir. Hər əyninə XTQ forması keçirmiş şəxsləri toplasaq, ordunun tərkibində say tərkibi baxımından xüsusi təyinatlılar üstünlük təşkil edərdi. Oysa ki, Xüsusi Təyinatlı Qüvvələrdə xidmət etmək üçün hər rübdə yüzlərlə şəxs təlimlərə cəlb edilir, onlardan yalnız barmaqla sayılacaq qədəri xüsusi təyinatlı ola bilir.

Mübariz Rzayevin İSTEFASI: Qalib generalları ordudan kimlər didərgin salır? – Səxavət Məmməd yazır / II HİSSƏ

Əvvəli burda

Müharibələrin tarixinə nəzər salsaq, demək olar, eyni proseslərlə qarşılaşırıq. Qalib generallar, sərkərdələr həmişə ya vurulur, ya gözdən iraq yerlərə göndərilir, ya da bir səhvi tapılıb həbsxanaya yola salınır. SSRİ İkinci Dünya müharibəsini qazananda 1945-ci il 8 mayda uğurla başa çatan “Berlin” əməliyyatına rəhbərlik edən Georgi Konstantinoviç Jukov “vurularaq” əvvəl Odessa, daha sonra isə Ural hərbi hissələrinin rəhbərliyi ona tapşırıldı. Onun kimi bir neçə döyüş generalı mərkəzdən uzaqlaşdırıldı, yüksək postlara isə uğursuzlar, dili olmayanlar gətirildi. Yəni postmüharibə dövründə qalib generalların başı həmişə bəlalı olur.

Orduda RÜŞVƏT MEXANİZMİ: Sadıkovdan miras qalan KORRUPSİYA zəncirinin yeni mərhələsi – Səxavət Məmməd yazır

Artıq hər kəsə məlumdur ki, Azərbaycan Ordusunun 3-cü Ordu Korpusunun komandiri General-mayor Rzayev Mübariz Balağa oğlu öz istəyi ilə ordu sıralarından ehtiyata çıxıb. Mübariz Rzayev ordu sıralarından ehtiyata çıxmaq üçün 7 dəfə raport yazıb. Bir korpus komandirinin 7 dəfə raport yazması, əslində, SOS siqnalı, orduda ciddi problemlərin olması deməkdir.

Məsələyə bir qədər dərindən baxmaq lazımdır. Müharibədən əvvəl Silahlı Qüvvələrin Baş Qərargah rəisi Nəcməddin Sadıkov idi. Nəcməddin Sadıkov sabiq nazir Səfər Əbiyevin vaxtında, sözün əsl mənasında, neytrallaşdırılmış, söz haqqı əlindən alınmışdı. Vəzifəsi vardı, ancaq avtoriteti yox. Nəcməddin Sadıkov son dərəcə ambisiyalı biri olduğu üçün mübarizəni başqa cür qurdu.

Xalq hökumətin yadına niyə ancaq xərclər artanda düşür? - Səxavət Məmməd yazır

Azərbaycan xalqı müharibəni nə qədər arzulasa da, döyüşlərdə canla-başla iştirak etsə də, müharibə vaxtı varını-yoxunu ortaya qoyub əsgərə yardım etsə də, müharibədən sonra üzü gülmür.

Qiymətlər qalxır, maddi durum getdikcə pisləşir, əhali sürətlə müflisləşir. Qiymət artımı isə Avropa ilə müqayisə edilir. Maaşa, pensiyaya gələndə isə Avropa olur düşmən. Qiymət artımına hərə bir cür don geyindirir. Mətbuat qiymətlər dəyişib, rəsmi qurumlar isə qiymətlər tənzimlənib deyir. Xalq isə günü necə yola verəcəyini, yeni “Əli”lər və “Vəli”lər axtarır ki, papağı dəyişsin.

Qarabağda HƏRBİ FƏALLIQ: Nazirliklər trollaşır, cəmiyyətdə aqressiya artır - Səxavət Məmməd yazır

Dünən Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstələri növbəti dəfə terror aktı törədib və bir Azərbaycan əsgəri şəhid olub.

Bu hadisə gözlənildiyi kimi Azərbaycan ictimayətində aqressiya ilə qarşılandı. Sosial şəbəkələrdə mövqeyindən aslı olmayaraq hər kəs qisas alınmasını istədi, tələb etdi.

Real müharibənin GERÇƏK ÜZÜ: 30 illik səksəkədə yaşayışın BİTİŞİ - Səxavət Məmməd yazır

…Kino başa çatdı, onu real müharibə əvəz etdi.

Bir anlıq qayıdaq aprel döyüşlərinə. Döyüşlər başlar-başlamaz sabiq cəbhəyanı kənd və rayonlarda panika hökm sürürdü. İnsanlar nə edəcəyini bilmirdi. Ən çox da benzindoldurma məntəqələrində uzun növbələr vardı. Tərtər, Ağdam, Beyləqan və Füzuli istiqamətində bu, açıq şəkildə görünürdü. Bu dəfə isə insanlar sanki müharibənin gələcəyini hiss edərək, gedən proseslərin son nəticəsinin müharibə olduğunu bilərək öncədən tədarüklərini görmüşdülər. Açığı, 44 günlük müharibədə belə bir halla rastlaşmadım.

Aprel döyüşləri zamanı insanlar, xüsusilə qadınlar bir araya yığılaraq Xocalı faciəsinin gününə salınmaqdan qorxurduqlarını açıq şəkildə deyirdilər.

Müharibəyə aparan yol: İllər öncə başlayan hazırlığın son günü - Səxavət Məmməd yazır

2020-ci il 26 sentyabra qədər

Atəşkəs artıq bir neçə ay idi ki, intensiv şəkildə pozulmurdu. Azərbaycan Ordusu durmadan hərbi təlimlər keçirir, şəxsi heyətin döyüş qabiliyyəti, kəşfiyyat bölmələrinin hazırlığının yoxlanışı daha da artırılırdı. Qarşı tərəf də yerində saymırdı. Əldə etdiyim məlumata görə, müdafiə xəttləri möhkəmləndirilir, müdafiənin bütün detalları üzərində işlənilirdi. Azərbaycan tərəfdə Türkiyədən olan konsturkturlar, Ermənistan tərəfdən isə rusiyalı mütəxəssislər işləyirdi. Qarşı tərəfi müşahidə edən bölmələrdən aldığım məlumatda deyilirdi ki, erməni tərəfi durmadan buldozerlərlə torpaq sədlər inşa edir, dərin xəndəklər qazıntısı aparılır. Tovuz hadisələri şəxsən məni təəccübləndirdi. Düşünürəm ki, erməni tərəfi kor nöqtə seçərək hazırlığını tamamlamaq üçün vaxt qazanırdı.

Tural Gəncəliyevin ermənilərə erməni dilini öyrətmə arzusu və ya dil bəlası - Səxavət Məmməd yazır

“Erməni əsilli Azərbaycan vətəndaşlarının Azərbaycan cəmiyyətinə inteqrasiyasına töhvə vermək üçün” erməni dili kursları təşkil edilir. İnteqrasiyaya baxın da. Bunu kim edir? “Qarabağa dönüş” İctimai Birliyinin sədri, Xankəndidən olan deputat Tural Gəncəliyev.

Azərbaycan vətəndaşı olaraq bunu oxuyanda bir anlıq insanın beynində sual yaranır ki, Azərbaycanın dövlət dili erməni dilidir? Necə yəni, erməni əsilli vətəndaşların Azərbaycan cəmiyyətinə inteqrasiyası üçün erməni dili öyrədilməlidir? Azərbaycan cəmiyyətində erməni dilini bilən nə qədər insan var? Erməni erməni dilini öyrənib Azərbaycanda nə edəcək?

Tural Gəncəliyev deyir ki, biz erməni dilində danışırıq. Biz deyəndə kimi nəzərdə tutur? Azərbaycanda küçədə kimsə erməni dilində danışsa, camaat onun başına oyun açmasa da, ən azı polis və DTX-ya məlumat verəcək. Bu erməni dili harada danışılır? Tural Gəncəliyev cəmiyyət deyəndə hansı cəmiyyəti nəzərdə tutur? Özünün sədr olduğu cəmiyyəti? Daha da irəli gedib öz ətrafı da deyə bilərdim.

Azərbaycan xalqını erməni mənbələrinə MÖHTAC QOYANLAR - "Bu qurumlar niyə susur?" - Səxavət Məmməd yazır

Avqustun 25-də Ağdərədə tutulan hərbi qulluqçumuz Cəmil Babayev Azərbaycana təhvil verildi. Bu dəqiqəyə qədər rəsmi Bakı Cəmil Babayevin Azərbaycana təhvil verilməsi ilə bağlı açıqlama verməyib.

Dünən axşam Cəmil Babayevin hələ də ermənilərin əlində olması, onunla bağlı niyə Azərbaycan tərəfinin heç bir addım atmaması barədə yazı yazıb, sosial şəbəkədə paylaşdıqdan 2-3 dəqiqə sonra 15-ə yaxın mesaj aldım ki, Cəmil Babayev Azərbaycana təhvil verilir.

Məramını unudanlar və sülh adı altında min hoqqadan çıxanlar - Səxavət Məmməd yazır

Qarabağ müharibəsinin aktiv fazası üçtərəfli bəyanatla yekunlaşdı. Rusiya əraziyə sülhməramlı kimi daxil oldu.

Məsələ ondadır ki, sülhməramlılar ilk gündən bəyanatın müddəalarına əməl etmədi. Erməni silahlıları hələ də ərazidə qalır, postlarında qondarma Dağlıq Qarabağın bayrağı dalğalanır. Bəzi yerlərdə isə Ermənistan bayrağını görürdük. Cəmiyyətimizdə Rusiya sülhməramlılarının əraziyə girməyini böyük sevinclə qarşılayan qruplar oldu. Bu insanlar Rusiya sülhməramlılarının niyyətinin və məramının sülh olması ilə bağlı min bir arqument gətirirdi. Ancaq unudulurdu ki, imperiya dağlısa da, hələ də imperialistliyindən geri çəkliməyən Rusiya heç vaxt bir əraziyə sülh məramı ilə girə bilməzdi. Rusiyanın Ukraynada törətdikləri onun hələ də SSRİ sevdasında olmasının bariz nümunəsidir. SSRİ dağılsa da, indiki Rusiya ittifaqdan ayrılmış ölkələrin hər birinin ərazisində münaqişə ocaqları yaradaraq bu dövlətlərə təzyiqini saxlamış olurdu.

Sutenyor sülhməramlılar və ya hərbçimizin Ağdərədə nə işi vardı? - Səxavət Məmməd yazır

Azərbaycan hərbçisinin Ağdərəyə keçməsi, ermənilərin əlinə düşməsi, əslində, bu günə qədər gündəmə gəlməyən məsələni gün üzünə çıxardı. Belə də deyə bilərik, pafoslar sona yetdi, reallıqla üz-üzə qaldıq.

Qarabağ Azərbaycandır, məsələ ondadır ki, Qarabağın işağldan azad edilməmiş hissəsi faktiki olaraq Azərbaycan yuristiksiyasına aid deyil.

Sənəd üzərindən söhbət getmir, reallıqdan danışmaq lazımdır. Azərbaycan rəsmi olaraq bildirir ki, hərbçimiz Rusiya sülhməramlılarının nəzarəti altında olan bölgəyə keçib. Maraqlıdır ki, müdafiə nazirliyi bu açıqlamanı yazanda “nəzarəti” sözündən əvvəl “müvəqqəti” sözünü ya yazmağı unudub, ya da altında başqa məsələlər var.

Rusiyanın Ermənistan və Azərbaycanla "GİZLƏN-QAÇ" oyunu - Səxavət Məmməd yazır

Azərbaycanda uşaqdan böyüyə hər kəsin Qarabağın probleminin həlli ilə bağlı vurduğu bir nöqtə vardı – Qarabağın açarı Rusiyanın əlindədir. Bunu nəinki azərbaycanlılar deyir, hətta bir neçə il əvvəl Almaniya kansleri Angela Merkel də eyni ifadəni səsləndirmişdi.

Heç kimə sirr deyil ki, Qarabağ probleminin səbəbkarı Rusiyadır. Rusiyanın Azərbaycanla xüsusi düşmənçiliyi yoxdur. Bu sadəcə olaraq bir imperialist siyasətdir. Bunu niyə yazıram? Çünki post-sovet ölkələrinin demək olar, hər birinin ərazisində münaqişə ocaqları var. Gürcüstan və Ukraynadakı kimi olmayanları da sonradan Rusiya özü yaratdı. İndiki Rusiya SSRİ-nin dağılması ilə barışsa da, ölkələrdəki təsir və təzyiq gücünü saxlamaq üçün münaqişələri bilərəkdən yaradıb. Münaqişələrin çoxunun 80-ci illərin sonunda başlaması onu deməyə əsas verir ki, SSRİ rəhbərliyi parçalanmanın qaçınılmaz olduğunu bilib və bu günlər üçün addım atıb.

Ayının donuza çevrilməkliyi və ya içimizdəki “irlandiyalılar” - Səxavət Məmməd yazır

Vladimir Jirinovski artıq neçənci dəfədir ki, Azərbaycan xalqını təhqir edir.

Bir neçə dəfə Jirinovski Azərbaycan xalqını qoyun adlandırıb. Maraqlıdır ki, bir xalqı təhqir edən bu şəxsə bu günə qədər Rusiyada kimsə xalqı təhqir etmək olmaz, bu iki ölkə arasında münasibətləri korlayır kimi nə ağıllı-ağıllı məsləhət verib, nə də ona üzr istəməyi təklif edən olub.

Jirinovskinin uzun illərdir təhqirinə ilk dəfə Azərbaycandan bir nəfər cavab verib. İsfəndiyar Vahabzadə qoyuna qarşı donuz ifadəsi səsləndirib. Maraqlıdır ki, ruslardan öncə azərbaycanlılar İsfəndiyar Vahabzadəni qınamağa başlayıb. Əgər donuz təhqirdirsə, qoyun tərifdir?

Qoyun donuz atışması

Mingəçevir SES: Azərbaycan özünün ekoloji təhlükəsizliyini düşünür? - Səxavət Məmməd yazır

Türkiyədə baş verən yanğınlar, əslində dövlətlərin ekoloji təhlükəsizliyə diqqət ayırmamasını çılpaqlığı ilə ortaya qoydu.

Türkiyə NATO ölkəsidir, dünyaya pilotsuz uçuş aparatı (PUA) ixrac edir, ancaq yanğınla mübarizədə o qədər də uğurlu nəticə sərgiləmir. Qardaş ölkədə yanğınsöndürmə təyyarələri və helikopterlərinin azlığı tənqid mövzusudur. Məsələ ondadır ki, Türkiyə prezidenti Rəcəb Tayyib Ərdoğan dünyanın ən güclü yanğınsöndürmə heyətinə sahib olduqlarını iddia etsə də, texniki cəhətdən eyni şeyi deyə bilmərik. Türkiyə kimi daim terror təhdidi ilə üz-üzə olan ölkənin ekoloji təhlükəsizliyə xüsusi diqqət ayırması vacib idi. Baş verənlər onu göstərir ki, Türkiyə yanğınla mübarizədə sinifdə qaldı.

Hər şeydən dərs çıxarmaq lazımdır.

Antiterror və epizodik məhvetmə əməliyyatlarına gedən "YOL" - "Sülh sazişi qalib ölkələrin diqtəsi ilə hazırlanır" - Səxavət Məmməd yazır

Artıq bir aya yaxındır ki, Qarabağda atəş səsləri dayanmır. Hər kəs bunun səbəblərini axtarır.

Niyə ermənilər atəşkəsi pozur? Niyə məğlub tərəf özünü dəlioğlanlığa qoyub? Kimə güvənir?

Ən əsası bu məsələlər maliyyə tələb edir. Sual yaranır, bu dəyirmanın suyu hardan gəlir?

Su demişkən, hazırda gələcə

Qanunilərin "QANUNİ OĞURLUQ"LARI: Eldəniz Səlimov Xaçmaz meşələrini məhv edəndə polis hara baxırdı? - Səxavət Məmməd yazır

Azərbaycanda millət vəkilləri nə qədər seçildiklərini iddia etsələr də, əslində təyin olunduqlarını özləri hər kəsdən yaxşı bilirlər. Qanunvericilərin “qanuni oğurluqları” elə buradan başlayır.

Bir neçə gündür ki, deputat Eldəniz Səlimovun polis əməkdaşını döyməsi ölkə gündəmində ən çox müzakirə edilənlər sırasında yer alıb. “Deputat polisi döyüb”. Burada da bir qanunauyğunluq pozulub. Qanunauyğunluq polisin mitinq, aksiya iştirakçısını, jurnalisti döyüməsi idi. Ən azı gözümüz, qulağımız buna öyrəşmişdi. Bu dəfə isə döyülən tərəfdə polisdir.

Məlum olur ki, deputat polisin qanuni tələbinə məhəl qoymayıb. Bacısı oğluna xəbərdarlıq edən polisi evindən çağırıb, söhbət əsnasında qəfil vurub, xəsarət yetirib.

SİLLƏYƏ GÜLLƏ CAVABI: Dayanan tikinti, atəşə tutulan Şuşa.... - Səxavət Məmməd yazır

Köhnə günlərə döndük – “atəşkəs pozulub”, “cavab atəşi ilə düşmən susdurulub”.

Azərbaycan xalqının başının altına yastıq qoyanlar istər Ermənistan-Azərbaycan dövlət sərhəddində, istər Qarabağda baş verənləri Ermənistandakı növbədənkənar parlament seçkiləri ilə əlaqələndirirdi. Elə zamanında da, bu düşüncənin yalan, yanlış, məntiqsiz olduğunu deyirdik. Bu adamlar hiss olunur ki, nə Ermənistanı, nə erməni xalqını, nə Rusiyanı tanıyır, nə də münaqişənin tarixini bilirlər.

Faktiki olaraq, Ermənistandakı seçkilərdən sonra iki ölkə arasında gərginlik artan xətt üzrə getməyə başladı.

Əvvəl nə baş verirdi?

"Erməni görür"ün altında yatan QANUNSUZLUQLAR: Rüşvət, korrupsiya, bozlaşdırılan BAKI... - Səxavət Məmməd yazır

Artıq Müdafiə nazirliyi, onun trolları, özünü informasiya müharibəsi ustaları hesab edənlər dayandı, indi də ekoloqlar “erməni görür” çətiri altında gizlənməyə başlayıblar.

Əsəbiləşəndə ən çox ölkəyə ilk dəfə daş qoyanı axtarırıq. Ölkədə “erməni görür”ün təməlini kim atıb, onu da tapmaq lazımdır. Hansı məmur, hansı qurum törətdiyi cinayətini ört-basdır etmək istəyir, cinayətinin gündəmə gəlməsini arzulamırsa, ilk ağlına gələn “erməni görür” ifadəsini işlətmək olur.

Müdafiə Nazirliyini o zaman haradasa anlamaq olardı ki, hərbi sirr sayılan informasiylar mətbuatda, sosial şəbəkələrdə yayılsın. Ancaq Müdafiə Nazirliyi hərbi sirrdən daha çox korrupsiya, rüşvət, qanunsuzluqlara görə “erməni görür” ifadəsini işlədirdi. Səbəb çox sadə idi, bu əməllərdən heç kim xəbər tutmasın.

Hərbçilərin tükənməyən PROBLEMLƏRİ: "Məmurlar sanki atom parçalayır" - Səxavət Məmməd yazır

Müharibə, qələbə ölkədə çox şeyin dəyişəcəyini deyirdisə də, hər keçən gün bunun əksini müşahidə etməkdə, yaşamaqdayıq.

Müharibənin bitişi ilə hərbçilərin maaş problemi yaşandı. Hərbçilərin maaşı gözlənilmədən bir qata endirildi. Bu çox ciddi gərginliyə səbəb oldu. İstər hərbçilər, istər ictimayət bu qərarın doğru olmadığını vurğuladı və nəticədə yalnız işğaldan azad edilmiş torpaqlarda xidmət edən hərbçilərin vəzifə maaşında artım oldu. Təbii ki, bu əvvəlki maaş demək deyildi…

Maaşların bir qata endirildiyi zaman çox sayda hərbçinin ordu sıralarından getmək üçün müraciət etdiyi hər kəsə bəlli idi. Maaş artımı bunun qarşısını bir qədər alsa da, narazılıq, gərginlik qalmaqdadır.

Döyüşdə formalaşan Azərbaycan Ordusu - Səxavət Məmməd yazır

Bilmirəm, tarixin ironiyasıdır, yoxsa alın yazısı, Azərbaycan Ordusunun hər iki yaranışı məhz ermənilərin təcavüzü ilə bağlıdır. Müstəqil dövlətlərin yaranaşına baxdıqda böyük inqilablar, parçalanmalar, vətəndaş müharibələri, qan görürük. Məhz bu səbəbdən də hər bir müstəqil dövlətin ilk işi özünün təhlükəsizliyini qorumaq üçün ordu formalaşdırmaqdır. Azərbaycan bu prosesi bəlkə də ən pis, ən ağır formada yaşayan ölkələrdən biridir.

1918-ci ildə Azərbaycan müstəqillliyini elan edir, paytaxtı olacaq Bakı şəhərinə gəlmək üçün çox ağır və qanlı döyüşlərdən keçməli olur…

Ən gəlirli, əyləncəli ZƏHƏR - Gəncləri məhvə sürükləyən BƏLANIN GÜNAHKARLARI - Səxavət Məmməd yazır

Anladıq, bəladır, zəhərdir, zərərlədir… Narkotik əslində bir əyləncədir. Bəlası, zəhəri, zərəri əylənəndən sonra gəlir. Narkotik ən gəlirli sahələrin başında gəlir. Milyardlar dövr edir. Həmin milyardların qarşısında təbii ki, istənilən məmuru almaq da olar, təmiz olanı məhv etmək də.

Son günlər Azərbaycanda narkotik vasitələrdən istifadə edənlərin artdığı, hətta sosial şəbəkələrdə açıqdan satışın təşkil olunduğunu eşidirik, görürük, bilirik. Azərbaycan dövləti təbii ki, nə narkotikin kökünü kəsələ bilər, nə də, bu trafiki dayandıra bilər. Bunu böyük dövlətlər bacara bilmirsə, Azərbaycanın şansı daha da azdır.

Yeni geosiyasi REALLIĞIN fonunda Vətən Müharibəsi: Çini NATO ilə üz-üzə gətirən Zəngəzur dəhlizi niyə qurulur? - Səxavət Məmməd yazır

Belə bir deyim vardı – keçmişin dünyası Aralıq dənizi, indinin dünyası Atlantik okeanı, gələcəyin dünyası isə Hind okeanıdır.

Əslində, bu deyim köhnəlib. Artıq Aralıq dənizi qədim, Atlantik okeanı keçmiş, Hind okeanı isə yaşadığımız dövrün dünyasıdır, gələcəyin dünyası isə böyük ehtimalla planetlərarası olacaq…

Gələk dövrümüzün dünyasına…

Hazırda dünyanın ixrac payının ən böyük sahibləri Çin, Hindistan, Koreyadır. Təbii ki, başqa ölkələr də var, sadəcə Azərbaycanı və bölgəni əsas maraqlandıran Çindir.

Regionumuza gələn malların marşrutu…

Bu ölkələrin, xüsusən Çinin ixrac etdiyi məhsullar dünya bazarına çıxarılmaq üçün quru yollarla okean sahilinə daşınır. Burada konteynerlər gəmilərə yüklənir və gəmilər Hind okeanını keçərək İranın Bəndər-Abbas limanına gəlir.

Rusiyanın himayəsindəki ERMƏNİ BANDALARI: Moskvanın üçtərəfli bəyanatı pozması və Azərbaycanın səssizliyi - Səxavət Məmməd yazır

Ermənistanla Azərbaycan sərhədində, xüsusilə Kəlbəcər-Laçın istiqamətində insidentlərə öyrəşmişik.

Dəfələrlə erməni tərəfi təxribat törədib, sillə-təpiklə qovulublar, təminat yollarına mina basdırıblar, saxlanılıblar, guya azaraq Azərbaycan tərəfinə keçiblər, saxlanılıb, təhvil veriliblər. Bir dəfə isə düzgün müdafiə xətti ilə təmin edilməməsi səbəbindən Azərbaycan əsgərlərinin döyülməsini də videolardan izləmişik. Əslində, bunlar normal hal olmasa da, o qədər yaşandı və videolar sosial şəbəkələrdə yayıldı ki, sərhəddə baş verən insidentlər nə erməni, nə də Azərbaycan ictimaiyyətini təəccübləndirir.

Sərhəddə baş verənlərlə yanaşı, Qarabağın işğaldan azad edilməmiş ərazilərindəki təmas xəttində də bir neçə insident baş verib. Məsələ ondadır ki, o insidentlər ciddiləşmədən, yerindəcə boğulub. Atəşkəs pozulan kimi Rusiya sülhməramlıları gəlib erməni hərbçilərinin içkili olduğunu deyərək məsələni bağlayıblar.

Qazilərin problemlərinə MN-dən "ÇÖZÜM": Əlillik, ödənişli müalicə, tibbi arayış, bürokratik əngəllər, rüşvət... - General-mayor Elxan İbrahimovla MÜSAHİBƏ/ÖZƏL

Vətən müharibəsindən sonra Müdafiə Nazirliyinin Tibb Baş İdarəsi ilə bağlı çoxlu sayda ittihamlar oldu. Qazilərin saysız-hesabsız şikayətləri həm mətbuatda, həm də sosial şəbəkələrdə yer aldı.

Qazilərin şikayətlərini, səslənən ittihamları, cavabsız qalan sualları aydınlaşdırmaq üçün Müdafiə Nazirliyinin Tibb Baş İdarəsinə ünvanladığımız suallara idarənin rəis müavini general-mayor Elxan İbrahimov ətraflı cavab verib.

Ermənistanı xarici media ilə nokauta salmaq cəhdi… - Səxavət Məmməd yazır

Dünəndən izləyirəm. Rəsmi şəxslər, deputatlar deyirlər ki, xarici media Kəlbəcərdə jurnalistlərin minaya düşərək həlak olması hadisəsini qabartmalı, Ermənistanın üzərinə getməlidir. Xarici media bizim qara qaşımıza, qara gözümüzə vurulub? Haqq? Kimdir haqqın yanında olan? Sən haqqını özün almalısan. Azərbaycan kimi dövlətlər buna məcburdur, alın yazısıdır. Dünyada çox sayda hərbi cinayətlər, soyqırımılar olub. Bunlara görə kimlər mühakimə edilib? Kimlər ki güclüdür, onlar da haqqını alıblar.

Təxribat, yoxsa terror? - Əsir diversantlar, sərhədə cəmləşən erməni tankları - Qaliblə məğlubun ƏKS GÜC NÜMAYİŞİ

Müdafiə nazirliyi mayın 27-də saat 03.00 radələrində Ermənistan Silahlı Qüvvələrinin kəşfiyyat-diversiya qrupu Ermənistan-Azərbaycan dövlət sərhədinin Kəlbəcər rayonu Yuxarı Ayrım yaşayış məntəqəsi istiqamətində ərazimizə keçməyə cəhd göstərməsi, Azərbaycan Ordusunun sərhəddə yerləşən mövqelərinə aparan təminat yolunda minalama fəaliyyəti həyata keçirərkən 6 hərbi qulluqçusu mühasirəyə alınaraq, zərərsizləşdirilərək əsir götürülməsi barədə informasiya yayıb.

Əslində dünən “Erməniyə döydürülən əsgərimiz və generalitetin “MUNDİR ŞƏRƏFİ” başlıqlı yazıda da, Azərbaycan ordusunun düzgün xidmət təşkil edəcəyi təqdirdə, o cür çirkin görüntülərin üzə çıxmayacağına işarə vermişdik. Əgər həmin ərazidə düzgün müdafiə təşkil olunsa idi, heç ermənilər o çadıra girə bilməzdi və əsgərlərimiz o cür aşağılanmazdı.

Erməniyə döydürülən əsgərimiz və generalitetin "MUNDİR ŞƏRƏFİ" - Səxavət Məmməd yazır

Dünən erməni hərbçilərinin Azərbaycan əsgərini döyməsini, təhqir etməsini, başına “kaska” vurulmasını əsəb streslə izlədik.

Bu məsələyə toxunmadan öncə bir qədər geriyə dönüb baxmaq istəyirəm. Ermənistan ordusunun əsgəri cəbhədə öldürülürdü, intihar edirdi və ya qəzadan ölürdü. Dərhal bir qrup “gəbərdi”, “cəhənnəmlik oldu” deyə, sevinirdi. Aradan qısa zaman keçən kimi Azərbaycan əsgəri şəhid olurdu. Həmin qrup ah-nalə, kədər dolu cümlələr qururdu. Buna da erməni tərəfi sevinirdi.

Müharibə bitib, indi də istər o tərəfdən, istər bu tərəfdən erməni əsgərlərinin döyülməsinə gülür, eyni hal Azərbaycan əsgərinin başına gəldikdə də isə, Azərbaycan əsgəri əmrə tabe olub, səbr nümayiş etdirib, köhnə videodur, hətta iddia edənlər var ki, bu qəsdlə planlanıb. Plan həyata keçib və Azərbaycan tərəfi ermənilərə daha ağır cəza verib. Təbii ki, ermənilər də buna gülür, sevinir…

Ən təhlükəli, riskli peşə - Jurnalistlər həlak olur, öldürülür, sui-qəsdə qurban gedir... - Səxavət Məmməd yazır

Jurnalist peşəsi ən təhlükəli, riskli peşələrdən biridir. Hər il müxtəlif səbəblərdən jurnalistlər peşə fəaliyyətini həyata keçirərkən ya həlak olur, ya da öldürülürlər. Bunlarla yanaşı, çoxlu sayda jurnalist sui-qəsdlərin də qurbanı olur.

Bu gün iki həmkarımız – Azərbaycan Televiziyasının operatoru Sirac Abışov və “Azərtac”ın əməkdaşı Məhərrəm İbrahimov (Əlioğlu) Kəlbəcər rayonunda xidməti vəzifələrini yerinə yetirərkən minaya düşərək həlak olublar.

Ermənilərin QARAGÖL sevdası: "Xəritə üzərində o ərazilər Azərbaycanındır" - İki müəllimin SSRİ-nin fərmanına ÜSYANI

 

“Əkin yerlərinin hamısı Azərbaycana qayıdır. Bizikilər sevinir elə bilir Ermənistana girmişik, ermənilər də dəli olur elə bilirlər ki, Azərbaycan onların torpaqlarını işğal edir. Fakt odur ki, xəritə üzərində o ərazilər Azərbaycana məxsusdur”.

Qaragölün və ətraf ərazilərin Azərbaycana məxsus olması, 1977-ci ildə baş vermiş hadisələrlə bağlı yazını təqdim etdikdə araşdırmaya davam edəcəyimizi bildirmişdik. Ötən yazıda da qeyd etmişdik ki, ermənilərin həmin əraziyə iddiası əsassızdır. Onların Qaragöl və ətraf əraziləri sadəcə olaraq saxta yollarla ələ keçirmək niyyətləri olub. Lakin bu, Laçın camaatının ayıqlığı nəticəsində baş tutmayıb.

Ermənilərin kabusuna çevrilən QARAGÖL: “Torpaqdan beşinci başdaşı çıxarılanda Moskvalı qonaq dedi ki...”

“Moskva 1987-ci il oktyabrın 17-də Qaragölü Ümumittifaq əhəmiyyətli dövlət qoruğu elan etməyə məcbur oldu”.

Azərbaycanın Ermənistanla sərhəddə yerləşən Qaragöl gölü və ətrafdakı yüksəkliklər üzərində nəzarəti bərpa etməsi həmin ərazilərin tarixi mənsubiyyəti haqda geniş müzakirələrə yol açıb.

Azərbaycanın qədim torpaqlarında süni şəkildə yaradılan Ermənistan öz saxtakarlığından əl çəkməyərək, hərbçilərimizin nəzarətə götürdüyü Qaragölün və İşıqlı dağının ona məxsus olduğunu iddia etməkdədir. Tarixi xronologiyanı və müxtəlif dövlərə aid hazırlanan xəritələri nəzərdən keçirdikdə isə Qaragöl və ətrafındakı ərazilərin əzəli Azərbaycan torpaqları olduğu öz təsdiqini tapır. Bu səbəbdən, Azərbaycan hərbçilərinin son addımları sadəcə, qanuni sərhədlərimizin bərpası anlamına gəlir.

Müdafiə Nazirliyində YENİ “BAZAR": MAXE-lərin xidmətə götürülməsi üçün nə qədər rüşvət tələb olunur? - İDDİA

Azərbaycan ordusunun Türkiyə modelinə keçəcəyinin bəyan edilməsinə, o cümlədən, türkiyəli hərbçilərin bu prosesə yardım göstərməsinə baxmayaraq, ölkənin Silahlı Qüvvələrində kök atmış bazar təfəkkürlü kadrlar həyata keçirilən dəyişikliklərə mane olmaqdadırlar.

Xatırladaq ki, 2019-cu il martın 6-da 100-ə yaxın gənc və onların valideynləri Silahlı Qüvvələrin Təlim və Tədris Mərkəzinin (TTM) qarşısında toplaşaraq Müddətdən Artıq Xidmət Edən (MAXE) hərbi qulluqçu, gizir olmaq üçün rüşvət yığılmasına etirazlarını bildirmişdilər.

Qarabağ müharibəsində gah “bufer zona”ya, gah da cəbhə xəttinə çevrilən qəbiristanlıqlar

Ağdam işğal ediləndə cəmi 6 yaşım vardı. Ağdamla, kəndimiz Yusifcanlı ilə bağlı xatirələrim bir uşağın yaddaşına sığacaq qədər idi. Şəhərdəki Cümə məscidini, Çay evini, “İmarət” stadionunu, Qarağacı qəbirstanlığını çox az xatırlayırdım. Kəndimiz Yusifcanlını xəyalımda diri tutan xatirələri isə qoruyurdum. Onları tez-tez xatırlayırdım ki, nə zamansa kəndimizə qayıtsaq, o xatirələrin izini tapa bilim.

Orduda mümkün təyinatlar: Müdafiə naziri, BQR, Quru Qoşunları komandanı...

Bu gün Silahlı Qüvvələrin Baş Qərargah rəisinin birinci müavini, general-leytenant Zahid Hüseynovun, Nazirliyin İdeoloji İş və Mənəvi-Psixoloji Təminat İdarəsinin rəisi-Şəxsi Heyət Baş İdarəsi rəisinin müavini, general-mayor Rasim Əliyevin və Naxçıvan Əlahiddə Ümumqoşun Ordu komandanlığının Təşkilat-İnspeksiya rəisi general-mayor Lənkəran Əliyevin təqaüdə göndərilməsi müzakirə mövzusuna çevrilib. Bu məsələyə toxunmadan öncə diqqət çəkəcəyimiz mövzular var.

Müdafiə nazirliyində vakansiyaların sayı çoxdur. Müharibə vaxtı və sonra istefaya və təqaüdə göndərilən generalların sayı 10-dan çoxdur. Onların yerinə isə təyinat yoxdur. Yalnız üçüncü ordu korpusuna komandir təyinatı olub. Müharibənin başladığı ilk günlərdən ordu Baş Qərargah rəissiz qalıb. Müharibə Baş Qərargah rəisi olmadan davam edib və qələbə əldə edilib. Tarixdə bunun analogiyasına rast gəlmək mümkün deyil.

Müdafiə Nazirliyindən könüllülərə ABSURD CAVAB: “Döyüş zamanı silahlar sizə qeyri-qanuni verilib” - İLGİNC İDDİA

Vətən Müharibəsində çağırışçılar, qismən səfərbərliklə ordu sıralarına cəlb edilənlərlə yanaşı, könüllülər də fəal iştirak edib.

Könüllülər daha çox Birinci Qarabağ müharibəsinin iştirakçıları, əraziləri yaxşı tanıyan şəxslərdən ibarət olub. Aralarında Birinci Qarabağ müharibəsində iştirak etməyib, səfərbərlik xətti ilə çağırılmayıb, öz istəyi ilə cəbhəyə yollananlar da az deyildi. Ağdam, Füzuli, Xocavənd, Laçın və digər rayonlardan olan könüllülər cəbhənin demək olar, bütün istiqamətlərində gedən döyüşlərdə iştirak ediblər. Onların müəyyən hissəsi birbaşa döyüş əməliyyatlarına qatılmasalar da, bütün hallarda ön xətdə xidmət keçiblər.