"Tərəfsizlər" - Alverçi BQXK, məramı sülh olmayan Rusiya

Dövlət Sərhəd Xidməti (DSX) məlumat yayıb. Məlumatda telefon, telefon platası, siqaret, benzin tutulduğu deyilir. Adamın ağlına ilk hansısa alverçinin sərhədi keçərkən tutulduğu, qaçaqmalçının saxlanıldığı gəlir. Ancaq məlum olur ki, bu alverçi, qaçaqmalçı təfəkkürlü Beynəlxalq Qırmızı Xaç Komitəsinin (BQXK) Ermənistan nümayəndəlyinin əməkdaşları imiş. Bir-iki istisna olmaqla dünyanın hər yerində fəaliyyət göstərən BQXK-nin bu qədər cılızlaşacağı heç ağlıma da gəlməzdi.

Qarabağda hərbi əməliyyat necə həyata keçiriləcək? - ANALİZ

Qarabağda Azərbaycan tərəfinin hərbi əməliyyat həyata keçirməsi ehtimalı hər keçən gün daha da artır.

Əməliyyat ehtimalını hardan görürük?

Birincisi istər separatçı rejimin təxribatları, istərsə də Ermənistan tərəfinin mövqeyi bunu deməyə əsas verir.

Azərbaycan tərəfinin də konkret olaraq Qarabağdakı qeyri-qanuni erməni silahlılarının tərksilah edilməsini tələb etməsi hərbi gərginliyin yaxın zamanda olma ehtimalını artır.

Qarabağda gərginlik və bunun səbəbləri - ANALİZ

Artıq öyrəncəliyik.

Hər dəfə görüşlər ərəfəsində mütləq şəkildə ya Ermənistanla Azərbaycan arasındakı şərti sərhəddə, ya da Rusiya sülhməramlılarının nəzarəti altındakı ərazilərdə təxribatlar törədilir.

Vaşinqton görüşü ərəfəsində Qarabağda törədilən təxribat məhz buna xidmət edirdi.

Rusiya parçalanır, yoxsa qabığını dəyişir? - Hadisələrə BAXIŞ

Ayını ilana bənzətmək nə qədər doğrudur, bilmirəm. Rusiya ayı kimi yaralıdır.

Yaralı ayının isə nə edəcəyini təxmin etmək o qədər çətin deyil. İmperiyaları ilana bənzətmək mümkündür. Çünki tarixə baxdıqda görürük ki, imperiyalar dağılmır, sadəcə olaraq qabığını dəyişir, yeni şəkil alır. Rusiya bu qəzəblə çox irəli gedə bilməz. Çünki Rusiyanın bu aqressivliyi özünü məhvə apara bilər. Məntiq onu deyir ki, Rusiya var gücünü qoyub Ukrayna müharibəsini həll etsə, ardınca Polşaya girməlidir. Rusiyanın buna gücü çatarmı? Bu, mümkün görünmür. İndiki mərhələdə Rusiya şəklini dəyişməyə məcbur görünür.

Danışıqlardan savaşa keçid - Gərginliyin səbəbləri

Danışıqlar mərhələsi artıq yerini yenidən silaha verib.

Azərbaycanla Ermənistanın anlaşacağını çoxları gözləyirdi, sülh müqaviləsi olmasa da, çərçivə sazişinin imzalanacağı proqnozlaşdırılırdı.

Reallıq bunların qısa zamanda baş verməyəcəyini deyirdi.

Sual yaranır, ardıcıl görüşlər, müsbət mesajlar niyə dalana dirəndi, şərti sərhəddə və təmas xəttində atışmalar çoxaldı?

Məramı sülh olmayanların ÇİRKİN MİSSİYASI - Səxavət Məmməd yazır...

Heç kimə sirr deyil ki, Rusiya Cənubi Qafqaza arxa baxçası kimi baxır. Cənubi Qafqaza arxa baxçası kimi baxan ölkənin sülhməramlı adı altında fəaliyyət göstərən qoşunları Qarabağda bildiyi kimi davranır.

Rusiya sülhməramlı qüvvələri Qarabağa gəldiyi ilk gündən missiyasına uyğun olmayan fəaliyyətlə məşğul olub. Rusiya qarant durduğu 10 noyabr bəyanatını ilk özü pozdu. Bəyanatın 4-cü maddəsi yerinə yetirilmədi və yerinə yetiriləcəyi də şübhə altındadır. Söhbət qeyri-qanuni silahlıların çıxarılması ilə rusların yerləşməsindən gedir.

Arxalı köpək, yoxsa sərsəmləmə? ANALİZ

Siyasi gərginlik pik həddi keçəndə yerini hərbi gərginliyə verir.

Qarabağda gərginliyin hər keçən gün daha da artdığını görürük. Bu gərginlik sosial sifarişdən daha çox Rusiyanın maraqlarına uyğun olaraq inkişaf edir desək yanılmarıq.

Qarabağda bir neçə gündür ki, mitinqlər keçirilir. Artıq mintiqlər oturaq aksiyaya çevrilib və hər gün keçirilməsi ilə bağlı qərar verilib.

Eyni məkan, eyni təfəkkür, fərqli zaman - Qarabağda dönən oyunlara BAXIŞ

Qarabağda hazırda baş verən proseslər 80-ci illərin sonlarını xatırladır.

Eynən 80-ci illərin sonunda da ermənilər mitinqlər təşkil edir, ayrılmaq istədiklərini bəyan edirdilər. Elə bu proseslərin sonu olaraq müharibə baş verdi və Azərbaycan torpaqları işğal edildi.

Hər nə qədər proseslərin əvvəli 80-ci illərin sonlarında baş verənlərə oxşasa da, sonu eyni olmayacaq.

Hazırda Xankəndində baş verən proseslər nəyə xidmət edir?

Tərəflərin müharibə hazırlığı, yoxsa süni gərginlik? - ANALİZ

İstər Ermənistan, istər Qarabağdakı separatçı rejim, istərsə də Azərbaycanın atdığı addımlar yeni hərbi gərginliyin olacağının xəbərçisidir.

Bir qədər müharibədən əvvəlki dönəmə qayıdaq. Ermənistan tərəfi rəsmi şəxslərin dili ilə yeni ərazilər iddiasını ortaya atmışdı. Dəfələrlə Kürə qədər gələcəklərini deyirdilər. Azərbaycan tərəfi isə rəsmi dillə heç nə demirdi, ancaq fərqli yöntəm seçmişdi. Videoroliklərlə ictimayəti Qarabağa kökləyir, cəmiyyəti hazırlayırdı. Bəzi insanlar videoroliklərin nəyə hesablandığını anlamırdılar, müharibədən sonra hər şey gün kimi aydın oldu.

Bakının tələbləri, görüşlər və reallıqlar - TƏHLİL

Azərbaycanla Ermənistan xarici işlər nazirlərinin Vaşinqtondakı görüşünə yekun vuruldu. Gözlənildiyi kimi görüşdə nəticə əldə olunmadı.

Vaşinqton görüşlərinə qədər müxtəlif şəhərlərdə görüşlər keçirilmişdi. Yalnız sonuncu Vaşinqton görüşündən sonra tərəflərin əsas tələbləri tamamilə üzə çıxdı. Məlum oldu ki, tərəflər sərhəd, delimitasiya, demarkasiya, sülh sazişindən daha çox təhlükəsizlik məsələləri üzərində dururlar. Tərəflərin razılaşmadığı məsələ isə Qarabağdakı qeyri-qanuni erməni silahlılarıdır.

Region yeni müharibə ərəfəsində? - TƏHLİL

Azərbaycanla Ermənistan arasında gərginlik yenidən kəskinləşib. ABŞ səfirliyi öz vətəndaşlarına sərhəd istiqamətinə getməməyə çağırıb, Avropa İttifaqının Ermənistandakı missiyası sərhəddən geri çəkilib, Ermənistan sərhədə əlavə qüvvələr cəlb edir. Azərbaycan ordusu da təbii ki, gücləndirmə edib.

Məsələ təkcə bununla bitmir. Taliban bir tərəfdən Tacikistan istiqamətinə qoşun yığır, digər tərəfdən isə İran istiqamətinə. Sanki Cənubi Qafqaz və Orta Asiya müharibəyə hazırlıq içərisindədir.

Rusiya Ukrayna müharibəsi istənilən nəticəni vermədi. Dünyanın siyasi xəritəsinin yenidən çəkilməsi bir müharibə ilə mümkün olmadığını real olaraq gördük.

Regionda gərginlik və bunun səbəbləri - ANALİZ

Azərbaycanla Ermənistan arasında hər nə qədər sülh danışıqları getsə də, gərginlik səngimək bilmir.

Gerçəkci olmaq gərəkirsə, gərginlik artan xəttlə gedəcək. Rusiya sülhməramlılarının 5 illik müddətinin tamam olması vaxtı daraldıca atışmaların, mövqe döyüşlərinin, təxribatların sayı artacaq.

Son günlər istər dövlət sərhədi, istərsə də Qarabağ istiqamətində gərginlik var və dünən tərəflər arasında mövqe döyüşləri baş verdi.

Cənubi Qafqaz, yoxsa Bermud üçbucağı?

Bildiyimiz kimi Cənubi Qafqazda üç ölkə mövcutdur. Cənubi Qafqaz ölkələri olan Azərbaycan, Gürcüstan və Ermənistan yalnız 1918-ci ildə 34 günlük ayrı-ayrılıqda yox, birgə müstəqil olublar.

Adı gedən ölkələr müstəqil olsalar da, əslində böyük güclərin gözündə Cənubi Qafqaz bir regiondur. Tarix boyu bu region hər zaman böyük dövlətlərin maraqları daxilində olub. Cənubi Qafqaz regionu həm komunikasiya yollarının kəsişməsində yerləşir, həm Aralıq dənizinə çıxışı var.

Sülh danışıqları, Paşinyanın qorxuları - TƏHLİL

Azərbaycanla Ermənistan arasında sülh müqaviləsinin imzalanması üçün bir neçə masa qurulub. Kişiniyovdakı görüş sadəcə olaraq Brüssel masasının davamı idi.İ

stər Azərbaycanda, istərsə də Ermənistanda bəziləri iddia edirdi ki, Kişiniyovda hansısa sənəd imzalana bilər. Əslində bu sənədin imzalanmayacağı Brüssel görüşündən məlum idi. Yəni, Paşinyanın "sənəd imzalanmayacaq" deməsinə bunun heç bir aidiyyatı yoxdur. Çünki elə Brüssel görüşündə bildirilmişdi ki, tərəflər Kişiniyovdakı görüşdən sonra yenə Brüsseldə görüşəcəklər.

Zəlzələ, vəlvələ, dəmdəmə - Səxavət Məmməd yazır

Telefonlar və sistemlər o qədər inkişaf edib ki, Azərbaycan kimi ölkələrdə bəzi qurumlara gərək qalmır. Misal üçün, “Android” telefonlar zəlzələ haqqında məlumat verir, xəbərdarlıq edir, zəlzələnin episentrini göstərir. Telefonda xəbər tutandan sonra bir gözüm Respublika Seysmoloji Xidmət Mərkəzində qaldı. Daşdan səs çıxdı, ancaq qurumdan yox.

Oxuduğumuz, bildiyimiz qədər, zəlzələnin proqnozlaşdırılması mümkün deyil. Ancaq zəlzələ olanda sonra rəsmi qurumların hərəkətsizliyi yenə də adamı düşünməyə məcbur edir.

Azərbaycan insanını Ermənistan mediasının manşetinə kim və niyə itələyir? - Səxavət Məmməd yazır

Dünyada, bəlkə də, ikili standartdan ən çox gileylənən ölkə Azərbaycandır.

Çox düşünürdüm ki, nə üçün Azərbaycana qarşı ikili standartla yanaşırlar, niyə haqlı olduğun halda həmişə haqsız vəziyyətə düşürsən. Dünən bir tədbirdə bunun əyani şahidi oldum.

Ötən gün Bakı şəhərində təhlükəsizlik sahəsinə həsr olunmuş bir tədbir keçirilirdi. Tədbirdə Litva səfirliyinin nümayəndələri və Slovakiyadan olan mütəxəssislər iştirak edirdilər. Azərbaycandan isə 3 deputat, hərbi ekspertlər və təhlükəsizlik sahəsindən yazan jurnalistlər iştirak edirdi.

"Bu ölkədə hər şey dünya standartına uyğun ola bilər, bir tək insanlara dəyərdən başqa..." - Səxavət Məmməd yazır

Bahalı ölkədə ucuz taksi ilə gedəndə dünya birliyi buna gülür. Bahalı ölkədə maaşla qiymətlər uyğun gəlmir deyəndə, “coğrafiya kaderdir” cavabı gəlir, girənlər Allaha şükür etməyi məsləhət görür, trollar “levi” iş axtara-axtara söyür.

Bahalı ölkədə pensiya yaşına və məmur pensiyası ilə digərlərinin aldıqları arasındakı fərqə etiraz edirsən, ağıllının biri çıxıb “Azərbaycan uzunömürlülər diyarıdır” nağılını danışır, o birisi də indeksləşdirilmə dastanı oxuyur.

Müharibədən sonra hərbçilərin maaşının kəsilməsindən xəbəriniz var. Uzatmayım. O vaxt belə bir informasiya almışdım ki, Müdafiə Nazirliyi maaşı balansındakı puldan ödəməyi təklif etmişdi. Buna Maliyyə Nazirliyi “yox” demişdi.

Laçın sərhəd-buraxılış məntəqəsində baş verən İNSİDENTİN TƏFƏRRÜATLARI - Səxavət Məmməd yazır

Dünən sərhəd-buraxılış məntəqəsində və Zəngilan istiqamətində gərginliyin olmasından hər kəs xəbərdardır.

Gələk məsələnin təfərrüatına.

Dünən Azərbaycan sərhədçiləri Laçındakı sərhəd-buraxılış məntəqəsində, daha dəqiq körpünün girişində Dövlət bayrağını qaldırarkən erməni snayperi atəş açıb və Sərhəd Qoşunlarının giziri yaralanıb.

Proseslər güzəşt HƏDDİNDƏ: Sülhməramlılar komendantlığa transformasiya olunur? - Səxavət Məmməd yazır

Danışıqlara, masalara baxanda açıq şəkildə görürük ki, Ermənistan-Azərbaycan münasibətləri və Qarabağ problemi bir-birindən ayrılıb. Ona görə də biz də bu problemi ayrı-ayrılıqda təhlil etməliyik.

Ermənistanla Azərbaycan arasında sülh müqaviləsinin imzalanması üçün müxtəlif ölkələr cəhd edir. Təbii ki, öz maraqları daxilində. Hər kəs divident qazanmaq üçün çabalayır. Çünki məlum dəhliz məsələsi yeni bazarlar, yeni qazanclar gətirəcək. Köhnə qazanc yollarına isə çomaq soxacaq. Ona görə də köhnə yolların ağaları yeni yoldan pay istəyir.

Hər havaya oynayan, cahillik içində boğulan neqativ cəmiyyət - Səxavət Məmməd yazır

Azərbaycan qəribə ölkədir. Pafosla danışıq pozitivlik kimi qəbul edilir, reallıqları danışmaq isə neqativlik.

Qarabağı, sülh danışıqlarını qoyaq bir kənara, hansı günümüzə pozitiv danışmaq yaraşır? Hansı sahəyə əl atırsan, putdur, adamın əlində qalır. Qiymətlər uçur, maaşlar sürünür. Məktəbdə nərd yarışı keçirilir, pandemiya bitəndən sonra Azərbaycan alimləri vaksin kəşf edir, Türkiyədə zəlzələ olur, icra başçısı Türkiyəyə dəstək olmaq üçün axısxa türkləri ilə görüş keçirir, öz ölkəsində seçki keçiriləndə üç meymunu oynayanlar xaricdəki istənilən seçkidə tərəf seçir, müdafiə edir, oradakı əhalini “neprav”da çıxara bilir.

Taleyi bəlli olmayan qeyri-qanuni silahlılar: Onların mülkiləşdirilməsi necə həyata keçirilməlidir? - Səxavət Məmməd yazır

Siyasi bəyanat, yoxsa bir parça imzalı, möhürlü kağız?

Siyasi bəyanat yalnız romantiklər üçün keçərlidir. İmzalı, möhürlü kağız isə hər kəs üçün.

Əliqələmli diplomat, yoxsa əlisilahlı əsgər?

Tarix göstərir ki, əlisilahlı məsələni həll edir, ən sonra əliqələmli imza atır.

Son toqquşmaların tətikləyici QÜVVƏSİ: Nə üçün "İran dronları" qabağa çəkildi? - Səxavət Məmməd yazır

O qədər regionu bilməyib, prosesləri görməzdən gəlib, militarlığa kor olub, optimist adam olmalısan ki, qısa zamanda sülhə inanasan.

Ermənistanla Azərbaycan arasında sülh danışıqları gedir. Gerçəkci olaq, bu danışıqlar sülhdən daha çox kimin regionda ağa olması uğrunda gedir. Nəinki Rusiya, heç ABŞ və Avropa İttifaqını da iki ölkə arasındakı sülh maraqlandırmır. Rusiya regionda qalması üçün sözdə sülh danışıqlarına vasitəçilik edir, digərləri də regiona yerləşmək üçün. Heç kim erməni və azərbaycanlının qara qaşına, qara gözünə vurulmayıb.

Ermənistan-Azərbaycan danışıqları: Proses yaxın gələcəkdə nə vəd edir? - Səxavət Məmməd yazır

Azərbaycanla Ermənistan arasında xarici işlər nazirləri səviyyəsində danışıqlar gedir. Hətta bəzi bəndlərin razılaşdırılması yönündə açıqlamalar da var.

Bununla paralel Qarabağdakı separatçı rejim, daha dəqiq desək, Ruben Vardanyan aktivlik göstərir. İmzalar toplanır ki, beynəlxalq qurumlara müstəqilliklə bağlı müraciətlər edilsin.

Dünən İranla Azərbaycan arasında yumşalma hiss olunurdusa, bu gün İran Azərbaycanın 4 diplomatını arzuolunmaz şəxs elan etdi. Regiondakı sabitlik bu qədər kövrəkdir.

Sərhəd-buraxılış məntəqəsi və Rusiya sülhməramlılarının TƏXRİBATI: Kreml ilk güllənin atılmasını gözləyir - Səxavət Məmməd yazır

Ermənistanla sərhəddə sərhəd-buraxılış məntəqəsinin qurulması son aylar baş verən proseslərin məntiqi sonluğu idi.

Azərbaycan ordusu Xəlfəli yolunda və Laçın istiqamətindəki əməliyyatları sərhəd-buraxılış məntəqəsinin xəbərçisi idi. Hətta bu iki əməliyyatdan sonra Azərbaycanla Ermənistan arasında ilk sərhəd-buraxılış məntəqəsinin yerinin müəyyən olunduğunu yazmışdım.

Azərbaycanla Ermənistanın kənarda qalacağı TOQQUŞMA: Rusiya ilə Qərbin Qarabağ oyunu - Səxavət Məmməd

Qarabağ və sülh müqaviləsi ilə bağlı danışıqların dalana dirənmə mərhələsi başa çatdı. Artıq hərbi gərginliyin yerini siyasi oyunlar alıb desək, yanılmarıq.

Nə oldu ki, danışıqlara start verildi?

Danışıqlar dalana dirənən zaman yazırdım ki, prosesin başlaması üçün hərbi əməliyyat, qan və riskli addımlar atılmalıdır. Saydıqlarım mütləq şəkildə tərəfləri masaya yaxınlaşdıracaq. Azərbaycan ordusu iki hərbi əməliyyat həyata keçirdi. Özü də qüsursuz. Ardınca qanlı hadisə yaşandı, hər iki tərəf itkilər verdi. Riskli sayılacaq məsələ isə Ermənistan-Azərbaycan sərhədində nəzarət-buraxılış məntəqəsi qoyulması idi.

Düşmənçiliyi alovlandıran faktlar: Xarabalıqlar odun üzərinə benzin oldu... - Səxavət Məmməd yazır

Azərbaycan əsgərinin təpiklənməsi videolarına baxdım. Yadıma bir neçə gün əvvəl olmuş bir söhbət düşdü.

Aqil Abbasın kitab təqdimatında Hacı Elməddinlə (Birinci Qarabağ müharibəsində könüllü olaraq 16 yaşından qatılıb, dəfələrlə yaralanıb, Ağdam istiqamətində müharibənin canlı arxivlərindən biridir) ayaqüstü söhbət etdik. Dedi, birgə yaşayışla bağlı verəcəyin suallara cavab verərəm, sonra da sənə sual verərəm ki, yaşaya bilərəm? Əgər mənim verdiyim sualın birinə “hə” cavabı versən, bu ölkədən gedərəm.

Dünənki sərhəd toqquşmasının DETALLARI: Səngər qazmaq necə atışmaya çevrildi? - Səxavət Məmməd yazır

Məlum olduğu kimi, Azərbaycanla Ermənistan arasındakı şərti sərhəd istiqamətində atəşkəs pozulub.

Nəticədə hər iki tərəf itki verib.

Hadisədən sonra tərəflər həmişəki kimi təxribatı kimin törətdiyi üzərində baş sındırır. Ermənistan tərəfi bu məsələdə daha çox canfəşanlıq edir.

Gələk toqquşmanın baş verməsinə

Şərti sərhəddə davam edən toqquşma: Proses necə nəticələnəcək? - Səxavət Məmməd yazır

Azərbaycan ordusunun keçirdiyi son iki əməliyyatdan sonra Qarabağda və Ermənistanla Azərbaycan arasında gərginliyin, demək olar ki, səngidiyi bir vaxtda şərti sərhəddə baş verən toqquşma nəticəsində, ilkin məlumata görə, hər iki tərəfdən ölən və yaralananlar var.

Bəs bu toqquşmanın baş vermə səbəbi nədir? Gəlin poztiv notlardan başlayaq.

…Hər iki ölkə rəhbəri sülh müqaviləsi barədə açıqlamalar verməyə başlayıb. Hesab edirəm ki, sülh müqaviləsi üzərində yaxın zamanlarda danışıqlar sürətlənəcək. Maraqlı başqa bir məsələ də ortaya çıxıb. Rəsmi Bakının bundan əvvəl erməni icmasına ünvanladığı görüş təklifinə rədd cavabı verilmişdisə, indi separatçı rejim humanitar məsələlərlə bağlı görüşmək təklifi ilə çıxış edib. Rusiya sülhməramlıları bu məsələdə araçı missiyanı öz üzərinə götürüblər.

Azərbaycanın verdiyi vaxt yekunlaşdı, son iki əməliyyat yekun deyil... - Səxavət Məmməd yazır

Məlum olduğu kimi, Azərbaycan ordusu Laçın rayonunun Cağazur və Zabux kəndləri arasında yerləşən bir neçə hakim yüksəklik, əsas və yardımçı yollar, eləcə də sərhədboyu geniş sahələri nəzarətə götürüb.

Bu həmin yollardır ki, Azərbaycan tərəfi təmir işləri aparıb, yeni körpü çəkmişdi. Həmin istiqamət Laçın rayonu ilə Gorus rayonunun şərti sərhədində yerləşir. Məsələ ondadır, Azərbaycan Ermənistan tərəfinə mart ayının sonuna kimi vaxt vermişdi ki, öz tərəflərindən gələcək yolu çəksinlər və ərazidə nəzarət buraxılış məntəqəsi qoyulsun.

Azərbaycan ordusunun hərəkətə keçdiyi istiqamətlər... - Son əməliyyat barədə Səxavət Məmməd yazır

Azərbaycan ordusunun əməliyyat keçirəcəyi bəlli idi. Düşündürücü tərəf əməliyyatın uğurlu, yoxsa uğursuz olacağı barədə idi.

Son iki əməliyyatdakı itkilər düşünməyə vadar edirdi. Bundan öncəki yazılarda da qeyd etmişdim ki, Azərbaycan ordusu itkisiz, hətta qarşı tərəfin iz tapması mümkün olmayacaq əməliyyatlar etməlidir. Hətta mövqe tutub qalmamaq da olardı. Əsas odur ki, vur-qaç qüsursuz icra olunsun.

Xəlifəli yolundakı əməliyyatla bağlı

Qarabağ uğrunda beynəlxalq SAVAŞ: Böyük güclər qarşısında Azərbaycan hansı addımı atmalıdır? - Səxavət Məmməd yazır

Qarabağ Azərbaycanla Ermənistanın, ermənilərlə azərbaycanlıların problemi olmaqdan çıxıb. Tərəflər nə öz güclərini göstərə, nə də istədiklərini deyə bilirlər.

Öncə, tərəflərin balansına baxmaq lazımdır. Azərbaycanın strateji tərəfdaşları olan Türkiyə və Pakistan daha çox hərbi gücü ilə öyünənlərdir. Ermənistanın arxasındakı güc isə siyasi baxımdan daha aktivdir və Avropanın söz sahibləridir. Yəni hərbi güc Azərbaycanın, siyasi güc Ermənistanın xeyrinədir.

Azərbaycanda kriminal olayların və silahlanmanın artmasının səbəbləri - Səxavət Məmməd yazır

Bakıda son bir həftə ərzində iki dəfə silahlı insident yaşandı.

Birincisi “Bravo” supermarketdə. Elə həmin gün hadisəni törədənlərlə polis arasında atışma… Və dünən yenə eyni hal.

İnsanları ən çox düşündürən şey silahların haradan, necə əldə olunmasıdır. Müharibə şəraitində yaşayan ölkələrdə ən asan əldə edilə bilən şeylərdən biri də silahdır. Azərbaycanda Birici Qarabağ müharibəsindən qalma silahlar mövcud idi. Düzdür, onların bir hissəsi dolayı yollarla dövlətə təslim edildi. Harasa qoyulub, polisə məlumat verilirdi. Xüsusilə müharibəyə qədərki cəbhəyanı ərazilərdə bu hala daha çox rast gəlinirdi.

Bölgədə artan gərginlik: Erməni silahlıları ilə son toqquşma prosesi necə istiqamətləndirəcək? -Səxavət Məmməd yazır

Qarabağ ətrafında və regionda gərginlik, göründüyü kimi, artan xətlə gedir.

Rusiya xarici işlər naziri Sergey Lavrovun Bakı səfərindən dərhal sonra Xocalıda erməni icması ilə Azərbaycan nümayəndə heyəti arasında görüş keçirildi. Məlum görüş erməni icması ilə Azərbaycanın ortaq dil tapmağa çalışmasında daha çox Rusiyanın bölgədəki varlığını sübut etməsi üçün təşkil olunmuşa bənzəyirdi. Yeri gəlmişkən, Vardanyandan əvvəl də buna bənzər görüş keçirilmişdi. O vaxt hətta masa üzərində Azərbaycan bayrağı da var idi. Budəfəki görüşdə isə yalnız Rusiya bayrağı görünürdü. Yerin adı Xocalı olsa da, görüş sanki Moskvada keçirilirmiş kimi görünürdü.

Böyük güclərin Azərbaycanın ermənilərlə birbaşa təmas qorxusu - Səxavət Məmməd yazır

Azərbaycanda həm deyirlər ki, Ruben Vardanyan Rusiyanın layihəsidir, həm də deyirlər, separatçı rejim onu vəzifədən qovub. Məntiq yaxşı şeydir.

Ruben Vardanyan Qarabağa göndərilənə qədər “dövlət naziri” vəzifəsi var idi? Rusiya Rubenin şərəfinə Qarabağda vəzifə də icad etmişdi.

Rubenin Rusiya tərəfindən geri çağrılması barədə bir qədər sonra.

Qərblə Rusiyanın Qafqazda toqquşan maraqları: Bakı ilə İrəvanın mövqeyi nə olmalıdır? - Səxavət Məmməd yazır

Qarabağdan Ermənistana, Azərbaycandan Naxçıvana kommunikasiya xətlərinin gələcək taleyi yumşaq mərhələyə keçdi.

Münxen görüşünə qədər Azərbaycan tərəfi nəyin bahasına olursa-olsun, açılacağını deyirdi, erməni tərəfi də bunun əksini. Tərəflər artıq məntiqi reallığa yaxınlaşırlar.

Sentyabrdakı sərhəd toqquşması Zəngəzur dəhlizi mövzusunun pik həddi idi. Rəsmi Bakı anladı ki, sərt güclə dəhliz açlmayacaq, erməni tərəfi sülhə məcburetmə əməliyyatlarına məhəl qoymur, qoymayacaq. Bəlkə də, başqa ölkə olsa, bu qədər təzyiqdən sonra çoxdan dəhlizə də razı olardı, Qarabağı da boşaldardı. Ancaq erməni tərəfi Azərbaycandan gələn sərt dalğalara dözdü.

Böyük güclərin Cənubi Qafqaza daşınan SAVAŞI: Bığla saqqala bulaşan tüpürcək - Səxavət Məmməd yazır

Laçın dəhlizində ekofəalların aksiyası bitib? Yox!

Azərbaycanın tələbləri yerinə yetirilib? O da yox!

Düzdür, müsbətə doğru işartılar var, ancaq məntiqi sonluq yoxdur.

Ruben Vardanyan və Arayik Arutyunyan Moskvaya gedəndə Azərbaycanda bəziləri onların qaçdığını bəyan etdilər. Hətta bəziləri iddia etdilər ki, Ruben Rusiya sülhməramlılarının maşınlarında, cır-cındır paltarda gizlin qaçıb. 

Azərbaycan insanının ucalığını göstərən günün fotosu - Səxavət Məmməd yazır

Sökülüb-tökülən, üstü yorğan-döşək, baqajı dolu yardıma tələsən maşın. Apardıqlarından da ürəyi böyük bir insan. Azərbaycan insanı. Təəccübləndimmi? Qətiyyən!

Deyirlər, dost dar gündə tanınar. Təkcə dost yox, elə insan da dar gündə tanınır. Azərbaycan insanının bu qədər böyük olduğunu, nə yalan deyim, müharibədə gördüm. Düzdür, ilk müharibə vaxtı da çox şey görmüşdüm. Nənəm hər gün təndirə çörək yapar, çörəklərin arasını “Allah verən”lə doldurar, mənə verərdi ki, apar əsgərlərə çatdır.

Regionun aqibətini müəyyənləşdirəcək BÖYÜK OYUN: Azərbaycan buna hazırlaşır? - Səxavət Məmməd yazır

Sovet dövründə Ağdamda (ola bilər, başqa rayonlarda da olub) dəli-dolu, kriminala meyilli adamların “Devid-B” (dəlilik kağızı) arayışı alması çox dəb olub. Buna səbəb məsuliyyətdən yayınmaq idi. Bu məsələni bir dəfə qocaman həkimlərin birindən soruşdum, dedi, Ağdamdakı “Devid-b”lərin böyük hissəsi saxta idi. Hamısı da kriminal idi. Yeri gəlmişkən, o “Devid-b”lər arasında təkcə rayonda yox, ölkədə tanınmış şəxslər də var. İllərin söhbətidir, neçəyə düzəldildiyini də demişdi, qiyməti unutmuşam.

Cənubi Qafqazda pozulan TARAZLIQ: İran və Gürcüstandakı azərbaycanlılar məsələsi - Səxavət Məmməd yazır

İrandakı Azərbaycan səfirliyinə qarşı terror aktı törədildi. Yayılmış videolar bunu deməyə əsas verir ki, hazırlığı olmayan, planlamayan şəxs qapının içəridən necə açılacağını bilməzdi. Şəxs hesablayıb. Lap deyək ki, əsəbi olub, onda sual olunur, məlum aktı niyə çöldə törətməyib?

Səfirliyin maşınlarını atəşə tutmaq içəri daxil olmaqdan daha asan deyil?

Demək ki, məsələ məkandır. Həm də məkandakı diplomatik korpusun bütün əməkdaşları.

Azərbaycanın təmkinindən cəsarətlənən DÜŞMƏN: Rəsmi Bakının edəcəyi bir şey var - Səxavət Məmməd yazır

Dünyada olduğu kimi, regionumuzda da bütün hesablamalar Rusiya-Ukrayna müharibəsinin mümkün nəticəsinə əsasən aparılır.

Etiraf etmək lazımdır ki, bu hesablamaları Ermənistan tərəfi daha çox aparır. Hətta deyərdim ki, Ermənistan Rusiyanın ehtimal olunan məğlubiyyəti üzərinə planlarını qurur.

Ermənistan Avropadan müşahidəçilər dəvət edib, Rusiya hərbi bazasının ərazisindən çıxarılması üçün ən azı bəyanatlar verir, aksiyalar keçirərək bu bəyanatın altını doldurur. Dolayısı ilə, Qərbə deyir ki, baxın, Rusiyadan qopuram, qopmaq istəyirəm, siz Rusiyanın dizlərini yerə qoya bilsəniz, ilk zərbəni də özüm endirməyə hazıram.

Dünyanı gözləyən böyük təhlükə və Ermənistanı sülhə məcburetmə haqqında - Səxavət Məmməd yazır

Sanki dünya müharibəsinin astanasındaymış kimi ölkələr ciddi silahlanmaya gedir.

ABŞ tarixində ən böyük hərbi büdcə bu ilə təsadüf edir. Ərəb ölkələri, xüsusilə Səudiyyə Ərəbistanı bir neçə ildir ən çox silah olan ölkə ünvanını qoruyub saxlayır. Qərb ölkələri boşalmış sursat anbarlarını doldurmağın yollarını axtarır. Digər yandan, Ukrayna Rusiyaya müqavimət göstərmək üçün onlardan silah tələb edir. Rusiya milli gəlirinin 30 faizini hərbi xərcələrə yönəldib. Bundan əlavə, Rusiya şəxsi heyətin sayını 1.5 milyona qaldırmağı hədəfləyir. Şimal qonşumuz sürətli şəkildə tanklarını modifikasiya edir, istehsalı da pik həddə çatdırıb.

Rusiya-Ermənistan gərginliyi: Azərbaycan əməliyyat keçirəcək? - Səxavət Məmməd yazır

Rusiya növbəli olaraq Azərbaycan və Ermənistanla gərginlik içərisindədir.

Bir müddət öncə Rusiya ilə Azərbaycan arasındakı münasibət elə bir həddə çatmışdı ki, hətta Azərbaycanı hədələyib, təhdid edirdilər.

 Mətbuat vasitəsilə Ukraynadan sonra növbənin Azərbaycanda olduğunu deyənlər az deyildi.

Ancaq bu gərginlik artıq səngimiş kimi görsənir. Hesab edirəm ki, bu, nisbidir.

İşbilməz qurumlar, "başdaşı"lı parklar, yapon səfirin ümidinə qalan tualetsiz məktəblər... - Səxavət Məmməd yazır

Söyüş qoyan qurumlar, mərmərli parklar, tualetsiz məktəblər.

Arxadan – tualetdən əvvələ gəlim.

2016-cı ilin aprel döyüşləri yeni bitmişdi. Bir qrup Qarabağ müharibəsi veteranları ilə cəbhə bölgəsinə yollanmışdıq. Geri qayıdarkən redaksiyadan zəng gəldi ki, Yaponiya səfirliyi Beyləqandakı iki məktəbdə müasir tualet qurub, reportajsız gəlmə.

Azərbaycan xüsusi təyinatlıların sayını niyə artırır?

Dünən Azərbaycan Prezidenti İlham Əliyevlə, Ermənistan Baş naziri Nikol Paşinyan mətbuat qarşısına çıxdılar. Hər iki ölkə lideri önəmli mesajlar verdi.

İlham Əliyev Xüsusi Təyinatlı Qüvvələrin sayını iki dəfə artırıldığını vədaha da artırılacağını bildirdi. Əslində, təkcə Xüsusi Təyinatlı Qüvvələrin yox, Sərhəd Xidmətinin xüsusi təyinatlılarının sayı artırılıb, Daxili Qoşunların, Dövlət Təhlükəsizlik Xidmətinin, Xarici Kəşfiyyat Xidmətinin xüsusi təyinatlıları, dəstələri, qrupları yaradılıb.

Qarabağdakı separatçılar arasında münaqişə: Azərbaycan bundan necə faydalanmalıdır? - Səxavət Məmməd yazır

Bizdə bəzən deyirlər ki, Qarabağdakı ermənilər Arayik Arutyunyanla Ruben Vardanyandan qorxurlar, ona görə də Azərbaycanın təkliflərinə müsbət reaksiya vermirlər. Bu fikirlə haradasa razılaşmaq olar. Məsələ ondadır ki, Qarabağda yaşayan ermənilər təkcə separatçı rejimin əsirləri deyillər. Təmassızlıq ən böyük problemlərdəndir.

Təmasın olmaması müsbət nəticə vermir, verməsi də inandırıcı deyil. Təmasın baş tutmasına mane olan qüvvə təkcə separatçılar da deyil, Rusiya sülhməramlıları da suyun qarşısını kəsən div rolunu oynayır. Birbaşa təmasın olmaması dolayı yollarla həll edilməyə çalışır ki, bu da vaxt aparır. Vaxtın uzanması isə Rusiyanın xeyrinədir.

Qarabağda müharibəni alovlandırmaq istəyən qüvvələr: Tarazlıq necə qorunmalıdır? - Səxavət Məmməd yazır

Dünyada gözlənilən müharibələrlə bağlı proqnozlar verilir. Əlbəttə ki, bu siyahıda Qarabağ da var.

Qarabağda müharibə ehtimalı hər zaman gündəmdə öz yerini qoruyur. Çünki ortada sülh yoxdur, olma ehtimalı da çox aşağıdır. Hətta sülhlə bağlı mesajlar da cəmiyyətlər tərəfindən aqressiv qarşılanır. Fərdi olaraq sülh mesajı verən şəxslər bir anlıq hədəfə çevrilir.

Bütün müharibələrin sonu sülhdür. Ancaq sülh fərdlərin mesajları ilə həll olunacaq bir proses deyil. Ona görə də insanların bu cür aqressiv münasibət bəsləməsi anormal hal deyil.

2022-ci ildə HƏRBİ AKTİVLİK: Qarabağ ətrafında baş verənlər yeni ilə necə daşınacaq? - Səxavət Məmməd yazır

2022-ci il hərbi yöndən xeyli dərəcədə aktiv oldu.

Müharibədən sonra Azərbaycan ordusu daha çox silahdan istifadə etmədən yüksəklikləri nəzarətinə götürürdü.

2022-ci il mart ayının 24-də Azərbaycan ordusu Fərrux əməliyyatını həyata keçirdi. Əməliyyatdan əvvəl dəfələrlə yazmışdım ki, Fərrux yüksəkliyi erməni tərəfinin nəzarəti altında olduqca Ağdam şəhərində, ətraf kəndlərdə, Kolanlı dərəsində Azərbaycan tərəfinin quruculuq işləri görməsi sual altındadır. Azərbaycan xarici investorları da əraziyə dəvət edirdi, ancaq Fərrux yüksəkliyinə nəzarəti əldə etmədən Ağdama heç kim qara qəpiyini də qoymazdı.

Azərbaycan Ermənistanın "mitinq oyunu"na necə cavab verməlidir? - Səxavət Məmməd yazır

Qarabağ ətrafında gərginlik hər keçən gün bir qədər də artır.

Azərbaycanlı fəalların Şuşa-Xankəndi yolundakı aksiyası 2 həftədən çoxdur davam edir. Separatçılar bu müddət ərzində diplomatik yolla, hansısa ölkələrin hədələri, BMT-nin qınağı ilə Azərbaycan tərəfinin geri addım atacağını düşünürdülər, ancaq bu baş vermədi. Azərbaycan tərəfi də bilir ki, geri addım atsa, çox pis nitəcələrlə üzləşə bilər. Ona görə də geri addım atılmadı. Erməni tərəfi də, sonunda gözlənilən kimi, aksiyaya aksiya və ya mitinqlə cavab verdi.

Buqələmun xarakterlər: Güneydə turançı, Talıbov məsələsində "naxçıvanşünas" olanlar - Səxavət Məmməd yazır

44 günlük Vətən müharibəsində Azərbaycan ordusu döyüş tapşırıqlarını yerinə yetirdi və hərbi qələbəni əldə etdi. Fəqət müharibədə əldə edilən dominantlığı diplomatik sahədə qazana bilməmişik.

Hərbi sahədə dominantlığa gələk. Qələbədən sonra Azərbaycan ordusu bir çox mövqeləri hətta şillə-təpiklə əldə etdi. Ardınca Fərrux, Sarıbaba, Qırxqız yüksəklikləri nəzarətə götürüldü. Bunlar nə zaman baş verirdi? O zaman ki diplomatiyada tıxac yaranırdı, sərt güc nəfəslik rolunu oynayırdı. Dərhal qarşı tərəf öz cəmiyyətinin belə tənqid etdiyi bəyanatlar verməyə məcbur olurdu.

Qarabağdakı partlamağa hazır bomba: Vəziyyət getdikcə daha da gərginləşir - Səxavət Məmməd yazır

Azərbaycanda 7-dən 77-yə qədər kimi dindirsən, deyəcək ki, Rusiya Ermənistanın yanındadır.

44 günlük müharibədən sonra da erməni cəmiyyəti Rusiyanı lənətləyir. Ermənilər Azərbaycan xalqından fərqli olaraq: “Rusiya Azərbaycanın yanındadır”, – demirlər. Onlar Azərbaycana baxmış xeyli dərəcədə siyasiləşmiş toplum olduqları üçün reallıqları anlayırlar.

Ermənilər hətta keçirdikləri son aksiyalarda “rus, türk, azəri, ermənilərin düşməni” şüarını səsləndirməyə başlayıblar. Bizim toplum nədənsə bu şüarın oğurluq hissəsi üstündə baş sındırdı. Ermənilərin bu cür şüar səsləndirmələri mənim üçün üzücü oldu. Çünki dünyada bir tək onlar bizi öz adımızla çağırıb türk deyirdilər, indi onlar da “azəri” deməyə başladılar.