18.01.2017

Azərbaycan sizin üçün nə sovet respublikası, nə RF-in subyekti deyil

2016-cı ilin nəticələrinə həsr edilmiş mətbuat konfransında RF XİN rəhbəri Sergey Lavrov Azərbaycanın ərazi bütövlüyünə nə suverenliyinə zidd olan ifadələr işlədib. Daha dəqiq desək, Dağlıq Qarabağın mövzusunda Azərbbaycanlı jurnalistin sualına cavab verərkən Lavrov deyib ki, “münaqişənin güc yolu ilə həll edilməsi abstrakt deyil və (sitat) “Azərbaycan Respublikasının daxili işi ola bilməz”.
O həmçinin əlavə etmişdi ki, tərəflərinin etdiyi bəyanatlarda və imzaladıqları sənədlərdə münaqişənin sülh yolu ilə həll edilməsi birmənalı olaraq qeyd olunub. Rusiyanın xarici işlər naziri həm də aprel ayında Qarabağda baş verən “qanlı hadisələrlə” bağlı narahat olduğunu bildirdi. Əslində Rusiyanın rəsmi nümayəndəsi silahlı qüvvələrimizin Dağlıq Qarabağda bir sıra mühüm yüksəkliklərin ələ keçirdiklərini pisləyib.

Rusiya XİN rəhbərinin yadına salmaq istərdik ki, Rus Federasiyası “SSRİ”-nin hüquqi varisi deyil, Azərbaycan isə heç zaman RF-in əyalətlərindən biri olmayacaq. Ona görə, Azərbaycanın öz ərazi bütövlüyünü bərpa edəcəyi, Dağlıq Qarabağda terrora qarşı hərbi əməliyyatın küçirəcəyi və bu sahədə hər hansı bir addım atacağı, onun öz daxili işi olmasa, kimin işi ola bilər? Necə ki, şimali Qafqazda separatçı ocaqların məhv edilməsi, və yaxud Yaponiya ilə Kuril adaları ətrafında qarşıdurmanın həlli sırf Rusiyanın öz daxili işidir. Üstəlik Lavrovun nümayəndəlik etdiyi ölkənin rəhbərliyi Azərbaycan Respublikasının ərazi bütövlüyünü tanınışdır.

O ki qalıb Lavrovun “7 rayon əvəzinə Qarabağın statusunun müəyyən edilməsi”nə, Azərbaycan tərəfi dəfələrlə Qarabağda yerli idarəetmə imkanları barədə bəyanatlar versə də, ərazi bütövlüyümüzün müzakirə mövzusu olmayacağını vurğulamışdır. Məhz ona görə, erməni və rus tərəfinin dəfələrlə Qarabağ separatçı rejimini danışıqların üçüncü tərəfi olaraq cəlb etmək cəhdlərinin qarşısı alınmışdı.

Təbii ki, Ermənistanın mövqeyi bizim üçün tam aydındır. Bu dövlət, işğal etdiyi torpaqlarda qurduğu kukla rejimini dövlət kimi tanıya bilmir, çünki dərhal təcavüzkar və işğalçı elan ediləcək. Bu səbəbdən, Ermənistan rəhbərliyinə münaqişənin həllini uzatmaqdan başqa bir əlac qalmayıb – bu onların minimum proqramıdır. Maksimum proqramına gəldikdə, bu erməni rəhbərliyin “dqr” adlı kukla teatrını dövlət olaraq gidər ölkələrə, həmçinin Azərbaycana tanıtdıraraq, sonradan Qarabağda “referendum” keçirdib Ermənistanın ərazisinə qoşmaqdır.
Sergey Lavrovun toxunduğu “Qarabağın statusu” məsələsi Azərbaycan Konstitusiyasının 11 maddəsinə görə real deyil. Sərhədlərin dəyişməsi, muxtar vilayətlərin yaradılması və s. kimi məsələlər yalnız ümummilli referendum əsasında həyata keçirilir. Təbii ki, Azərbaycan xalqı Qarabağın Ermənistana verilməsinə, ya dövlət kimi tanınmasına səs verə bilməz – bunun Lavrov aprelin 5-də Bakıda səfərdə olarkən canlı şahidi olub.
Bundan başqa Lavrovun nümayəndəlik etdiyi dövlətin rəhbərliyinə məlum olmalıdır ki, bloqçu Aleksandr Lapşin haqqında cinayət işin açılması heç də əsassız deyil. Moskva narazıdır ki, dövlətimiz, sərhədimizi qanunsuz pozaraq Qarabağa guya “səyahət” məqsədilə gedən bloqçunun tutulmasını və Azərbaycana ekstradisiyasını tələb edir. Rusiyanın tarixindən daha bir misal gətirək. 90-çı illərin sonunda Kodori dərəsindən Çeçenistana keçərək Rusiyanın sərhədini pozan xarici vətəndaşlara qarşı (əsasən ərəb və əfqan mənşəli) dəfələrlə cinayət işi qaldırılmışdır. Halbuki, həmin sərhəd pozucularının cəmləşdiyi əyalətlər Rusiya federal qüvvələrinin nəzarəti altında deyildi.
Eyni səbəblərə görə, Azərbaycan Respublikasının hər hansı şəkildə dövlət sərhədinin pozulması qanunvericiliyimizdə cinayət sayılır və müvafiq tədbirlərin görülməsini tələb edir. Rusiyadan fərqli olaraq, hətta Lapşinin 2-ci vətəndaşlığı olan İsrail bu barədə hər hansı bəyanat verməyib. İnanmıram ki, “bloqçuların dostu” olan Sergey Lavrov bunu bilməsin.
Nail Vəliyev

Hiç yorum yok:

Yorum Gönder

Real Time Analytics