20.01.2021

Cəmiyyətdən qopanlar, yoxsa dövlət kursuna sabotaj?

Bakıda rus hərbçilərinin duz-çörək, zurna-balabanla qarşılanması Azərbaycan ictimayətində birmənalı qarşılanmadı.

İnsanların sərt readksiya verməsinin səbibi dünənin, bu günün işi deyil. Məsələyə lap geniş yanaşsaq, Rusiyanın Azərbaycana qarşı xüsusi bir düşmənçiliyi var. Nəinki Azərbaycanda, Ermənistanda, eləcə də beynəlxalq aləmdə də hər kəs bilir ki, Qarabağı ermənilər təkbaşına yox, məhz Rusiyanın yardımı ilə işal edib. Deputat Elman Nəsirovun dediyi ki, Azərbaycan xalqı Rusiyaya düşmən deyil, Rusiya Azərbaycana düşmən kəsilib. Götürək 2016-cı ilin aprel döyüşlərini Azərbaycan Müdafiə naziri Zakir Həsənov özü rəsmən etiraf etdi ki, döyüşləri Rusiyadan gələn zənglə dayandırıblar.Bu qədər genişliyə ehtiyac yoxdur, bu bir yazının yox, kitabların mövzusudur. Gəlin son baş verənlərə diqqət yetirək.

Heç kimin gözləmədyi halda və yerdən Ermənistan Tovuz istiqamətindən atəşkəsi pozdu. Tovuz istiqamətində bir neçə gün artileriya döyüşləri aparıldı. Torpaq itkisindən və torpaq alqısından söhbət getməsə də, Azərbaycanın çox dəyərli generalı şəhid oldu. Ölkə ayağa qalxdı, müharibə tələb edildi. Tovuz istiqamətində gərginlik başlayandan Türkiyə istər prezident, istər nazir, istərsə də, deputatlar səviyyəsində Azərbaycanın yanında olacağını bəyan etdi. Döyüşlər bitər-bitməz Azərbaycan-Türkiyə Silahlı Qüvvələrinin birgə hərbi təliminə start verildi - “TurAZ Qartalı - 2020”. Onsuzda Azərbaycanda Türkiyə ordusuna rəğbət çox idi, son baş verənlərdən sonra Türkiyə hərbçilərinin Azərbaycana gəlişi insanlar tərəfindən sevinclə qarşılandı. Ancaq Rusiya gəmilərinin Bakıda qarşılanması ilə Türkiyə hərbçilərinin qarşılanmasını müqayisə etdikdə, türkiyəlilərin qarşılanmasında rəsmiyyət daha qabarıq görünürdü. Bu məsələyə bir qədər sonra toxunacam.

Azərbaycanda bir çox ziyalılar, jurnalistlər və siyasətçilər Türkiyənin Azərbaycanda hərbi baza qurmasını da təklif etdilər. Təbii ki, bu fikir də birmanlı qarışlanmadı.

"TurAZ Qartalı - 2020" hərbi təlimləri zamanı Türkiyənin Milli Müdafiə naziri Hülusi Akar da Azərbaycana səfər etdi.

Hərbi təlimlər davam edərkən, Azərbaycanın bəzi mətbuat orqanlarında Türkiyə hərbçilərinə qarşı hörmətsizlik edildiyi, ölkə ictimayəti tərəfindən rusu adamı kimi tanınan şəxslərin təhqiramiz ifadələr işlətdiyi iddiası ortaya atıldı. Silahlı Qüvvələrin Baş Qərargah rəisi Nəcməddin Sadıkovun bu məsələdə adı hallandı, ancaq Müdafiə Nazirliyi bu iddiaları təkzib etdi. Məsələ ondadır ki, adi hərbi hissələrin açılışına nazirlə bərabər gedən, Nəcməddin Sadıkovu bu təlimlər vaxtı nədənsə çox az göründü. Görünən yerlərdəki üzünün ifadəsindən isə zəhər zəhrimar yağırdı...

Tovuz istiqamətində gedən döyüşlər bir çox mətləblərə aydınlıq gətirdi. Həcmcə lokal olan döyüşlər Serbiya-Azərbaycan, Gürcüstan-Azərbaycan münasibətlərini ortaya qoydu. Bunlarla bağlı əlavə şərhə ehtiyac görümürəm, mətbuatımız çox geniş şəkildə işıqlandırıb. Məhz bu döyüşlərdən sonra ilk dəfə idi ki, Azərbaycan Prezidenti İlham Əliyev Rusiya Prezidenti Vlademer Putinə telefonla zəng edərək, iradını bildirdi.

Prezident İlham Əliyev Putinə telefonda, "Rusiyanın Ermənistana 8 reyslə 400 ton hərbi yük göndərməsi" iradı, Rusiyanın bu addımı ilə bağlı cəmiyətdə narahatçılıq və sulların səngimədiyi, ölkənin ictimai-siyasi gündəmini zəbt etdiyi bir ortamda rusların bu cür qarşılanıb, mediaya çıxarılması ən yaxşı halda bunu təşkil edənlərin cəmiyyətdən qopuqluğu, daha ağlabatan isə dövlət kursunun sabotajıdır.

Ölkə rəhbəri Rusiyaya iradını bildirir, cəmiyyətdə Rusiyaya qarşı bir aqresiya, bunun fonunda Hərbi Dəniz Qüvvələri Rusiya hərbi gəmilərini Bakıda duz-çörəklə qarşılayırlar, deputat Elman Nəsirov isə çıxıb açıqlama verir ki, Rusiya ilə münasibətlərin pisləşməsini istəyənlər avantürist adamlarıdır, Kremillə düşmənçilik yaransa, Qondarma Dağlıq Qarabağın müstəqilliyi tanınacaq. Ha ciddi adam olmadığını deyin, Elman Nəsirov Milli Məclisin deputatıdır. Elman Nəsirov da yaxşı bilir ki, Rusiya Azərbaycanın ərazi bütövlüyünü tanıyır, eləcə də Azərbaycan Rusiyanın. Elman Nəsirov həm də onu yaxşı bilir ki, Azərbaycanda heç kim Rusiyaya düşmənçilik etmir. Rusiya Azərbaycan və Ermənistana eyni səviyyədə yanaşsa, bərabər münasibət göstərsə, kimsə Rusiyaya düşmənçilik edər? Şəxsi fikirimdir, bu sözləri Elman Nəsirov özü yox, ona dedirdildiyinə inananlardanam.

Duz-çörəyin Qafqazda çox önəmli mənası var. Duz-çörəklə hər adam qarşılanmaz. Sənin torpaqlarının işğal olmasında əli olan, prezident səviyyəsində Ermənistana 8 reyslə 400 ton hərbi yük göndərməsi iradı tutulan ölkənin hərbi gəmisi duz-çörəklə, rəqslə qarşılanmamalı idi. Müdafiə Nazirliyində bu addımı atan şəxslər həm cəmiyyətini, həm də dövlət kursunun əksinə getməyi göz önünə alacaq dərəcədə haralarasa bağlıdırlar.

Açığı görünən məsələlərdən biri də, Türkiyə ilə birgə genişmiqyaslı hərbi təlimlərin yaratdığı ictimai əhvalı öldürmək barədə kimlərsə xarici kuratorlarından tapşırıq aldığıdır.

Səxavət Məmməd

Hiç yorum yok:

Yorum Gönder

Real Time Analytics