“Gəncə batalyonu”nun “Qəqəni”si: “Xocalıda qətliam törədən “Arabo”nu biz məhv etdik”

Ermənilərin məşhur “Arabo” batalyonunun məhv edilməsi ilə bağlı araşdırmaya start verdiyimizi diqqətinizə çatdırmışdıq.

Ötən yazı “Gəncə batalyonu”nun döyüşçüsü Mahir Nağıyevin döyüş yoluna həsr olunmuşdu. Yazıda Mahir Nağıyevin “Həsənqaya əməliyyatı”ndakı fəaliyyəti və qısa döyüş yolundan bəhs etmişdik.

Elə həmin müsahibədə oxuculara tezliklə, “Qəqəni” ləqəbli Razim Dəmirovla müsahibəni təqdim edəcəyimiz barədə xəbər vermişdik.

“Arabo”nun məhvini lentə alan, qırmızı “Zapı”sı ilə yaralı daşıyan operatorla REPORTAJ

Müharibədə əsgərlər döyüşür, operatorlar, fotoqraflar isə bizə döyüşün görünən və görünməyən tərəflərini çatdırır.

Qarabağ müharibəsi zamanı döyüşləri lentə alan çox az adamın adı bəllidir. Onlardan bəziləri hansısa TV və yaxud qəzet əməkdaşları olub, bəziləri isə bu işi könüllü görüblər. İlhami Ağayev könüllülərdən olub. Çəkdiyi kadrların bir hissəsini Müdafiə Nazirliyinə təqdim edib, digərlərini isə arxiv kimi evində saxlayıb. Bir çoxumuzun izlədiyi kadrları- ermənilərin “Arabo” batalyonunun qırılması və döyüşdən sonrakı meyitlərini məhz İlhami Ağayev çəkib.